सुप्रसिद्ध सिनेअभिनेत्री श्री मेसवाल यांची छत्रपती संभाजी राजे कार्य गौरव पुरस्कार २०२२ साठी निवड

वार्तादूत – डिजिटल न्युज नेटवर्क
सुप्रसिद्ध सिनेअभिनेत्री श्री मेसवाल यांनी केलेल्या उल्लेखनीय कार्याची दखल घेऊन शंभू सेना सामाजिक संघटनेच्या वतीने छत्रपती संभाजी राजे कार्य गौरव पुरस्कार २०२२ साठी निवड करण्यात आली आहे. १४ मे रोजी सोलापूर जिल्ह्यातील माढा येथे आयोजित कार्यक्रमात या पुरस्काराचे वितरण करण्यात येणार आहे.पुणे येथील सुप्रसिद्ध सिनेअभिनेत्री श्री मेसवाल यांच्या कार्याची दखल घेऊन या पुरस्कारासाठी त्यांची निवड करण्यात आल्याचे पत्र शंभू सेना प्रमुख अतुलनाना माने पाटील यांनी दिले आहे. या पत्रात म्हंटले आहे की, आपणगेल्या अनेक वर्षांपासून आपल्या क्षेत्रात उल्लेखनीय कार्य करीत आहेत. ही वाटचाल एकरेषीय आणि सरळ साधी राहिली नाही कारण आपणाला अनेक संकटे, आव्हाने आणि प्रतिकूल परिस्थितीशी सामना करावा लागला आहे. परंतु आपण एक अभिमान व स्वाभिमान वाटावा असे उल्लेखनीय कार्य केल्याबद्दल आपल्या या कार्यकर्तृत्वाची दखल घेऊन आपली छत्रपती संभाजी राजे कार्य गौरव पुरस्कार २०२२ साठी निवड करण्यात आली आहे. सोलापूर जिल्ह्यातील माढा येथे दि. १४ मे रोजी आयोजित कार्यक्रमात मान्यवरांच्या हस्ते या पुरस्काराचे वितरण करण्यात येणार आहे. सिनेअभिनेत्री श्री मेसवाल यांची या पुरस्कारासाठी निवड झाल्याबद्दल सर्वत्र कौतुक केले जात आहे.