वार्तादूत – डिजिटल न्युज नेटवर्क
हायस्कुल लोहारा माध्यमिक व उच्च माध्यमिक शाळेचे मुख्याध्यापक वसंत भीमा राठोड हे नियत वयोमानानुसार सेवानिवृत्त झाल्याने त्यांचा शाळा व मित्र परिवाराच्या वतीने सपत्नीक सत्कार शाळेच्या व मित्र परिवाराच्या वतीने करण्यात आला.
वसंत राठोड यांनी हायस्कूल लोहारा या शाळेत सलग ३४ वर्ष सेवा पूर्ण करून ते ३१ मार्च रोजी सेवानिवृत्त झाले. यावेळी शाळेच्या वतीने सपत्नीक भर पेहराव आहेर, राधा कृष्णाची मूर्ती देऊन हायस्कुल तंत्र विभागाचे सेवा जेष्ठ सहशिक्षक वैजिनाथ होळकुंदे यांच्या हस्ते त्यांचा सत्कार करण्यात आला.
या कार्यक्रमाला दयानंद वाणिज्य महाविद्यालय लातूरचे प्राचार्य डॉ. राजाराम पवार, तहसिलदार संतोष रुईकर, पोलीस निरीक्षक अजित चिंतले, जि. प. माजी सभापती चंद्रकला नारायणकर, माजी जि. प. सदस्य दीपक जवळगे, अभिमान खराडे, आयुब शेख, जगदीश लांडगे, हायस्कूल लोहाराचे नूतन मुख्याध्यापक दयानंद पोतदार, विस्ताराधिकारी शिक्षण श्री जंगम, श्रीकांत भरारे, राजकुमार जट्टे, वसंत जाधव, धनाजी राठोड, अमित पवार यांची यावेळी प्रमुख उपस्थिती होती.
वसंत राठोड यांचा सेवानिवृत्तीनिमित्त सहशिक्षक, मित्रपरिवार व नातेवाईकांच्या वतीनेही शाल श्रीफळ पुष्पगुच्छ, भेटवस्तू देऊन सत्कार करण्यात आला. यावेळी शाळेतील सर्व सेवानिवृत्त सहशिक्षक, विद्यार्थी, मित्रपरिवार, नातेवाईक, शाळेतील सर्व शिक्षक, शिक्षकेतर कर्मचारी उपस्थित होते.
