शिवसेना पक्षाच्या वतीने उभारण्यात येणाऱ्या १२५ बेड्सच्या अद्ययावत कोविड हॉस्पिटलला पालकमंत्री शंकरराव गडाख-पाटील यांची भेट

वार्तादूत – डिजिटल न्युज नेटवर्क
शिवसेना पक्षाच्या वतीने व पवनराजे फाउंडेशन, नगरपालिका उस्मानाबाद व आयएमएच्या संयुक्त विद्यमानाने उस्मानाबाद येथील पवनराजे कॉम्प्लेक्स येथील समर्थ मंगल कार्यालयात १२५ बेड्सचे कोविड हॉस्पिटल सुरू करण्यात येणार आहे. या अद्ययावत जम्बो कोविड हॉस्पिटलला मृद व जलसंधारण मंत्री तथा पालकमंत्री शंकरराव गडाख-पाटील साहेब, खासदार ओमराजे निंबाळकर यांनी सोमवारी (दि.२६) भेट देऊन चालू कामाची पाहणी केली. या हॉस्पिटलमध्ये मध्ये 50 ऑक्सिजन बेड असून याचा फायदा कोरोना रुग्णांना होणार आहे. यावेळी कोरोना हॉस्पिटलचे काम तात्काळ पूर्ण करून हॉस्पिटल कार्यन्वित करण्याच्या सुचना दिल्या.

यावेळी शिवसेना जिल्हाप्रमुख तथा आ. कैलास घाडगे-पाटील, नगराध्यक्ष मकरंद उर्फ नंदुभैय्या राजेनिंबाळकर, डॉ. जयप्रकाश राजेनिंबाळकर, जिल्हाधिकारी कौस्तुभ दिवेगावकर, जिल्हा आरोग्य अधिकारी डॉ.एच.व्ही.वडगावे आदी उपस्थित होते.