वार्तादूत – डिजिटल न्युज नेटवर्क
लोहारा तालुक्यातील माकणी येथील नवतरुण गणेश मंडळाच्या वतीने महिलासाठी विविध स्पर्धा आयोजित करण्यात आल्या होत्या. यावेळी संगित खुर्ची, लिंबू चमचा, उखाणे, गाणे, डोक्यावर वही, साखळी तयार करणे, सुई दोरा, दोरी खेळणे, कला सादरीकरण आदी स्पर्धा घेण्यात आल्या. यात ७० महिलांनी सहभाग घेतला. विजेत्या स्पर्धकांना मंडळाच्या वतीने सरपंच विठ्ठल साठे यांच्या हस्ते गृहोपयोगी वस्तूचे बक्षिसे देण्यात आले. या कार्यक्रमाच्या अध्यक्षस्थानी ज्योती आळंगे होत्या. यावेळी वर्षा आळंगे, मंगलताई आळंगे, वर्षा निकम, अर्चना चौरे, ज्योती नामदेव आळंगे, मुक्तबाई कदम, पुनम सुर्यवंशी आदीची उपस्थिती होती. यासाठी मंडळाचे अध्यक्ष अभिषक आळंगे, अतुल निकम, गोपाळ आळंगे, आकाश निकम, रोहित आळंगे, कृष्णा पवार, बाळू आंळगे, शंकर निकम, शंकर आळंगे बालाजी निकम रमेश चौरे, सचिन आळंगे, गणेश आळंगे, सुयश आळंगे, खंडू आळंगे आदीनी पुढाकार घेवून सहकार्य केले. यावेळी गावातील नागरिक उपस्थित होते.
