वार्तादूत – डिजिटल न्युज नेटवर्क
राष्ट्रवादी युवक काँग्रेसच्या वतीने युवकचे प्रदेश सचिव दिग्विजय शिंदे यांच्या संकल्पनेतून गौरी महालक्ष्मी सजावट स्पर्धेचे आयोजन करण्यात आले होते. या स्पर्धेचे बक्षीस वितरण माजी पोलीस महानिरीक्षक विठ्ठलराव जाधव यांच्या हस्ते व राष्ट्रवादी काँग्रेसचे जिल्हाध्यक्ष प्रा. सुरेश बिराजदार यांच्या प्रमुख उपस्थितीत शुक्रवारी (दि. ९) उमरगा येथे आयोजित कार्यक्रमात करण्यात आले.
महिलांच्या कलागुणांना संधी देण्यासाठी राष्ट्रवादी युवक काँग्रेसच्या वतीने आयोजित करण्यात आलेल्या या स्पर्धेला उत्स्फूर्त प्रतिसाद मिळाला. या स्पर्धेत प्रथम आलेल्या शिल्पा पांचाळ यांनी मुरूम शहराचा सुंदर असा देखावा उभारला होता तर द्वितीय आलेल्या रेखाताई पवार यांनी पर्यावरण संवर्धनाचा सामाजिक संदेश गौरी महालक्ष्मीच्या सजावटीतून दिला होता. तृतीय आलेल्या कदेर येथील अनुजा गायकवाड यांनी वेगळ्या धाटणीच्या व सुबक कलाकुसरीने गौरी महालक्ष्मीची सजावट केली होती. यावेळी रेखाताई पवार यांनी मनोगत व्यक्त केले. महिलांना आपली कला गुण दाखवण्याची संधी दिल्याबद्दल त्यांनी आभार मानले.
या कार्यक्रमासाठी राष्ट्रवादी युवक काँग्रेसचे प्रदेश सचिव दिग्विजय शिंदे, तालुकाध्यक्ष संजय पवार, जिल्हा युवक कार्याध्यक्ष बाबा जाफरी, राष्ट्रवादी युवक काँग्रेसचे उमरगा तालुकाध्यक्ष शमशोद्दीन जमादार, युवकचे विधानसभा अध्यक्ष बाबा पवार, राष्ट्रवादी युवक काँग्रेसचे जिल्हा उपाध्यक्ष मोहन जाधव, महीला राष्ट्रवादी काँग्रेसच्या जिल्हा उपाध्यक्षा तथा सरपंच सुनिता पावशेरे, तालुका उपाध्यक्ष विष्णु भगत, सरचिटणीस धिरज बेळंबकर, प्रदीप चालुक्य, प्रा. दत्तात्रय इंगळे, प्रा जीवन जाधव, शहर कार्याध्यक्ष रुपाली सोनकवडे, तालुका कार्याध्यक्ष भाग्यश्री रणदिवे, कार्याध्यक्ष विजयकुमार थिटे, रफिक पटेल, बाळु परताळे, राजु तुरोरीकर, संजय जाधव, काशीनाथ गायकवाड, बाबा कुरेशी, अभय पाटील, संगीता सलगरे, ईश्वर सोनकवडे यांच्यासह प्रमुख पदाधिकारी व कार्यकर्ते मोठ्या संख्येने उपस्थित होते.
