वार्तादूत – डिजिटल न्युज नेटवर्क
लोहारा शहरात ज्ञानज्योती महिला सहकारी पतसंस्था लि. उस्मानाबादच्या पहिल्या शाखेचे उदघाटन आमदार ज्ञानराज चौगुले यांच्या हस्ते सोमवारी (दि.२६) करण्यात आले.
यावेळी उमरगा कृषी उत्पन्न बाजार समितीचे मुख्य प्रशासक मोहयोद्दीन सुलतान, तहसीलदार संतोष रुईकर, ज्ञानज्योती पतसंस्थेच्या मुख्य प्रवर्तक ऍड.आकांक्षा चौगुले, शिवसेना जिल्हाप्रमुख मोहन पनुरे, पोलीस निरीक्षक अजित चिंतले यांची प्रमुख उपस्थिती होती. यावेळी बोलताना पतसंस्थेच्या मुख्य प्रवर्तक आकांक्षा चौगुले यांनी महिलांच्या आर्थिक उन्नतीसाठी या पतसंस्थेची सुरुवात केल्याचे सांगितले. तालुक्यातील महिलांना गृह उद्योग व इतर किरकोळ व्यवसायांसाठी प्रशिक्षण व कमीत कमी व्याजदरात कर्जपुरवठा करण्याचे ध्येय ठेवून काम करणार असल्याचे यावेळी त्या म्हणाल्या. कार्यक्रमादरम्यान ज्ञानज्योती बहुउद्देशिय सामाजिक संस्थेच्या वतीने घेण्यात आलेल्या गौरी गणपती सजावट स्पर्धेचे बक्षीस वितरणही संपन्न झाले. प्रथम क्रमांक सुजाता नागनाथ जोगी – ७५५५ रु. व चषक, द्वितीय क्रमांक दयानंद मोहन स्वामी – ५५५५ रु. व चषक, तृतीय क्रमांक करणं थोरात – ४५५५ रु., उत्तेजनार्थ – वर्षाताई माधव मोघे ३५५५ रु. यांसह ६ स्पर्धकांना उत्तेजनार्थ पैठणी साडी पारितोषिक म्हणून देण्यात आली. तसेच लोहारा तालुक्यातील एका गरीब कुटुंबातील मुलीच्या शिक्षणासाठी संस्थेच्या वतीने ५० हजार रुपयांची आर्थिक मदत करण्यात आली.
यावेळी नगराध्यक्षा वैशाली अभिमान खराडे, शिवसेना तालुकाप्रमुख जगन्नाथ पाटील, उमरगा तालुकाप्रमुख बळीराम सुरवसे, ज्ञानज्योती संस्थेचे उपाध्यक्ष विजयकुमार वडदरे, सचिव प्रदीप मदने, माजी नगराध्यक्ष धनंजय मुसांडे, ज्योतीताई चौगुले, उपनगराध्यक्ष आयुब शेख, अशोक सांगवे, प्रताप लोभे, नगरसेवक अविनाश माळी, अमीन सुंबेकर, सारिका बंगले, मयुरी बिराजदार, सुमन रोडगे, शामल माळी, माजी गटनेते अभिमान खराडे, श्रीकांत भरारे, संचालिका मीरा फुलसुंदर, मुक्ताबाई भोजने, संदीप चौगुले, खयूम चाकूरे, अरुण जगताप, प्रमोद बंगले, बब्रुवान पाटील, बाळासाहेब पाटील, नगरसेवक जालिंदर कोकणे आदीसह नागरिक व महिला उपस्थित होत्या.
