लोहारा खुर्द येथील सचिन पाटील यांना पीएचडी प्रदान

वार्तादूत – डिजिटल न्युज नेटवर्क
लोहारा (खुर्द) येथील सचिन रमेश पाटील यांनी ग्रेटर नोएडा (उत्तरप्रदेश) येथील विद्यापीठात रसायनशास्त्रामध्ये पीएचडी पदवी मिळवली आहे. मान्यवरांच्या हस्ते सचिन पाटील यांना पीएचडी पदवी प्रदान करण्यात आली.
ग्रेटर नोएडा (उत्तरप्रदेश) येथील शिव नाडर इन्स्टिट्यूट ऑफ एमिनन्स डीम्ड टू बी विद्यापीठातून सचिन रमेश पाटील यांनी रसायनशास्त्रात डॉक्टरेट पदवी मिळवली आहे. त्यांनी रसायनशास्त्र विषयात \”औषध वितरण अनुप्रयोगांसाठी सुधारित कार्बनी नॅनोकणांचे अन्वेषण\” या विषयावर शोधप्रबंध सादर केला होता. सचिन पाटील यांनी प्रा. बिमलेश लोचब, डॉ. प्रसून के. रॉय, संचालक आणि डीन प्रा. संजीव गलांडे, कुलगुरू प्रा. अनन्या मुखर्जी यांच्या मार्गदर्शनाखाली संशोधन पूर्ण केले. तसेच डॉ. पुली चंद्रमौली रेड्डी, डॉ. अनिमेश सामंता, डॉ. देवदास रे यांचेही सहकार्य लाभले. या शोधप्रबंधास विद्यापीठाने मान्यता देऊन मान्यवरांच्या हस्ते श्री. पाटील यांना डॉक्टरेट  पदवी प्रदान केली.