धानुरी येथे राष्ट्रीय कुष्ठरोग निर्मूलन कार्यक्रमांतर्गत तपासणी

राष्ट्रीय कुष्ठरोग निर्मूलन कार्यक्रमांतर्गत (National Leprosy Eradication Program) लोहारा तालुक्यातील धानुरी येथे आरोग्य विभागाच्या पथकाने धानुरी येथील जिल्हा परिषद माध्यमिक शाळा व जिल्हा परिषद प्राथमिक शाळा येथील मुला मुलींना कुष्ठरोगाबाबत शास्त्रीय माहिती देऊन सर्व मुला मुलींची कुष्ठरोगाबाबत शारीरिक तपासणी करण्यात आली.
यावेळी तालुका आरोग्य अधिकारी कार्यालयातील कुष्ठरोग तंत्रज्ञ महेश साळुंके, सहाय्यक संचालक आरोग्य सेवा कुष्ठरोग कार्यालय धाराशिव येथील अवैद्यकीय पर्यवेक्षक यु. आर. शिंदे, यांनी उपस्थित शिक्षक व विद्यार्थ्यांना कुष्ठरोगाबाबत माहिती देऊन त्यांची तपासणी केली. या तपासणीसाठी धानुरी गावातील शालेय शिक्षण समिती अध्यक्ष अरुण साळुंके, सरपंच प्रवीण थोरात, प्राथमिक शिक्षक अप्पासाहेब रणखांब, मोटे मॅडम, थिटे मॅडम, आशा स्वयंसेविका रवळे मॅडम, हारूबाई तिगाडे उपस्थित होत्या.