उमरगा – लोहारा विधानसभा मतदारसंघाचे महायुती, शिवसेनेचे अधिकृत उमेदवार ज्ञानराज चौगुले (Dnyanraj Chougule) यांच्या प्रचारार्थ मुख्यमंत्री एकनाथ शिंदे (Chief minister eknath shinde) यांची जाहीर सभा होणार आहे अशी माहिती सांगण्यात आली आहे. शुक्रवारी (दि.८) दुपारी ३ वाजता उमरगा शहरातील जुन्या जिल्हा परिषद शाळेच्या मैदानावर ही जाहीर सभा होणार आहे.
विधानसभा निवडणुकीचा आखाडा पेटला आहे. प्रत्येक उमेदवार आपापल्या परीने मतदारसंघातील गावोगावी जाऊन मतदारांच्या गाठी भेटी, बैठका घेत आहेत. आता प्रचार सभांनाही सुरुवात झाली आहे. त्यामुळे पुढील काही दिवसांत राजकीय वातावरण आणखी तापणार असल्याचे दिसत आहे.
