लोहारा येथील फिनिक्स ग्रुप कडून निवासी दिव्यांग शाळेला एलईडी स्क्रीन भेट

लोहारा शहरातील फिनिक्स ग्रुपने सामाजिक बांधिलकी जपत तालुक्यातील सास्तुर येथील निवासी दिव्यांग शाळेला शनिवारी (दि.२६) एलईडी स्क्रीन भेट दिली आहे. तसेच शाळेतील विद्यार्थ्यांसोबत दिवाळी साजरी केली.
लोहारा येथील फिनिक्स ग्रुप आपल्या सामाजिक कार्यासाठी नेहमीच अग्रेसर असतो. दरवर्षीप्रमाणे याही वर्षी फिनिक्स ग्रुपने तालुक्यातील सास्तुर येथील दिव्यांग निवासी शाळेतील मुलांसाठी एलईडी स्क्रीन उपलब्ध करून एक आदर्श निर्माण केला आहे. फिनिक्स ग्रुपच्या वर्धापन दिनानिमित्त हा कार्यक्रम घेण्यात आला. यावेळी विठ्ठल शेळगे म्हणाले की, मोठा एलईडी स्क्रीन मुलांसाठी ज्ञानग्रहण करण्याच्या कक्षा नक्कीच वाढवेल. त्याबद्दल त्यांनी सर्व ग्रुप सदस्यांचे विशेष आभार मानले. यावेळी फिनिक्स ग्रुपच्या उपस्थित सर्वांनी मुलांसोबत खाऊ वाटप करून दिवाळी साजरी करताना एक वेगळेच समाधान मिळाल्याची कबुली दिली. यावेळी फिनिक्स ग्रुपचे सदस्य वीरभद्र फावडे, कृष्णा घोडके, अनिकेत स्वामी, जावेद मोमीन, राहुल बेलकुनिकर, रामेश्वर स्वामी, तानाजी कुंभार तसेच सर्व शिक्षक, कर्मचारी उपस्थित होते. यासाठी फिनिक्स ग्रुप २००६ दहावी बॅच मधील विशेष सहकार्य केले.