राज्याचे माजी उपमुख्यमंत्री, लोकनेते, अजितदादा पवार यांची आज जयंती. अजितदादांच्या जयंतीनिमित्त उमरगा लोहारा राष्ट्रवादी काँग्रेसच्या वतीने जनसेवा सप्ताहाचे आयोजन करण्यात आले आहे. या सप्ताहाच्या माध्यमातून उमरगा व लोहारा तालुक्यात विविध घेण्यात येणार आहेत.
आदरणीय अजितदादा म्हणजे अथक परिश्रम, दिलेला शब्द पाळणारे नेतृत्व, निर्णयक्षमता आणि जनतेसाठी अखंड झटणारे नेते. दरवर्षी २२ जुलै हा दिवस आपल्या लाडक्या नेत्याचा, महाराष्ट्राचे दिवंगत उपमुख्यमंत्री तथा राष्ट्रवादी काँग्रेस पक्षाचे राष्ट्रीय अध्यक्ष आदरणीय अजितदादा पवार यांचा वाढदिवस मोठ्या उत्साहात साजरा करत आलो. परंतु मा. अजितदादांच्या अकाली जाण्याने यापुढे आपण वाढदिवस नव्हे, तर त्यांच्या पवित्र स्मृतींना अभिवादन करणाऱ्या “जनसेवा सप्ताह” च्या निमित्ताने राज्यामध्ये लोकोपयोगी, समाजहिताचे विविध प्रकारचे कार्यक्रम हाती घेऊन ते राबवणार आहोत.
दि . २२ जुलै ते दि.२८ जुलै हा जनसेवा सप्ताह म्हणून उमरगा लोहारा तालुक्यात राष्ट्रवादी काँग्रेस पक्षाचे प्रदेश उपाध्यक्ष प्रा. सुरेश दाजी बिराजदार यांच्या मार्गदर्शनाखाली विविध सामाजिक उपक्रमांनी साजरा करणार आहोत. याचा दोन्ही तालुक्यातील नागरिकांनी लाभ घ्यावा असे आवाहन लोहारा तालुकाध्यक्ष सुनील साळुंके व उमरगा तालुकाध्यक्ष बाबा जाफरी यांच्याकडून करण्यात आले आहे.
