लोहारा (Lohara) शहरातील लोहारा तालुका शिक्षक व सेवकांची सहकारी पतसंस्था येथे निवडश्रेणीच्या प्रशिक्षणार्थी वर्गाच्या वतीने जागतिक पर्यावरण दिन व शिवराज्याभिषेक दिनाचे औचित्य साधून वृक्षोरापण करण्यात आले.
या कार्यक्रमाच्या अध्यक्षस्थानी गटशिक्षणाधिकारी शिवकुमार बिराजदार हे होते. यावेळी पतसंस्थेचे चेअरमन सुदर्शन जावळे, व्हाईस चेअरमन श्रीशैल जट्टे, सचिव बाबासाहेब कदम, केंद्रप्रमुख तथा प्रशिक्षण प्रमुख व्हि. एस. चंदनशिवे, संचालक विकास घोडके, सुर्यकांत पांढरे, प्रविण शिंदे, सुधीर घोडके, गजानन मक्तेदार, रफीक शेख, जनार्धन काठमाडे यांची प्रमुख उपस्थिती होती. यावेळी जाणता राजा छत्रपती शिवाजी महाराज यांच्या प्रतिमेचे पूजन मान्यवरांच्या हस्ते करण्यात आले. या प्रशिक्षणाचे सुलभक म्हणून के. एस. गायकवाड, दाजीबा साबळे, दत्तात्रय लादे, शबाना शेख हे काम पाहत आहेत. पर्यावरणाचा मित्र बनू या, एक वृक्ष लावू या, एक वृक्ष भविष्यासाठी, मी पर्यावरणाच काही तरी देण लागतो या भावनेतून निवडश्रेणी प्रशिक्षणार्थाच्या संकल्पनेतून विविध प्रकारच्या वृक्षाची लागवड अध्यक्ष व मान्यवर, सर्व संचालक मंडळ व २२ प्रशिक्षणार्थी यांच्या हस्ते वृक्षारोपण करून जागतिक पर्यावरण दिन व शिवराज्याभिषेक सोहळा उत्साहात साजरा करण्यात आला. यावेळी सुर्यकांत पांढरे, विश्वजीत चंदनशिवे यांनीही विचार मांडले.
गटशिक्षणाधिकारी बिराजदार यांनी मार्गदर्शन करताना शिवराज्याभिषकादिवशी आपण वृक्षारोपण कार्यक्रम केलात हा यापेक्षा सुंदर योग नाही. आपण सर्वांनी वृक्षाचे संवर्धन करण्याचीही जबाबदारी घ्यावी. पर्यावरण रक्षणासाठी सर्वांनी मोलाची भुमिका बजावावी. तसेच येणाऱ्या शैक्षणिक वर्षात कात झटकून झोकून देवून कार्य करावे असे प्रतिपादन केले. यावेळी कै. मदन कुलकर्णी यांच्या स्मरणार्थ सुरेखा महाजन यांच्या तर्फे एक वृक्ष लावण्यात आले. यावेळी व्यंकट पोतदार, गुलाब माने, रामकृष्ण बिराजदार, बालाजी साळुंके, सुधीर गुरव, केशव राठोड, सुभाष इंगळे, एकनाथ शिंदे, महादेव गायकवाड, श्रीशैल धरणे, एकनाथ कदम, तात्याराव भालेराव, कोंडीबा कारभारी, प्रशांत शिंदे, रामराव क्षीरसागर, संतोषकुमार भोसले, संजीव भोसले, निर्मला दंतकाळे, सुरेखा महाजन, सुलोचना बोळशेट्टी, महानंदा चव्हाण आदी उपस्थित होते. कार्यक्रमाचे सुत्रसंचालन व्यंकट पोतदार यांनी तर एकनाथ कदम यांनी आभार मानले. कार्यक्रमाच्या यशस्वीतेसाठी रविंद्र कोकणे, किरण दासीमे यांनी परीश्रम घेवून वृक्ष संवर्धनाची जबाबदारी घेतली.
