मार्शल आर्ट गेम सिरीज व चौथी लाठी नॅशनल चॅम्पियनशिप राजीव गांधी इनडोअर स्टेडियम दिल्ली येथे पार पडली. यात लोहारा तालुक्यातील धानुरी येथील विद्यामाता इंग्लिश स्कूलच्या विद्यार्थ्यांनी १९ पदकांची कमाई केली आहे.
मार्शल आर्ट गेम सिरीज व चौथी लाठी नॅशनल चॅम्पियनशिप राजीव गांधी इनडोअर स्टेडियम दिल्ली येथे पार पडली. या कार्यक्रमासाठी दिल्ली ऑलंपिकचे सहसचिव दीपक अग्रवाल, सुभाष मोहिते, लाठी इंडियाचे अध्यक्ष अजय शहा व लाठी कोच व टेक्निकल डायरेक्टर महमदरफी शेख सर यांच्या उपस्थितीत हा कार्यक्रम पार पडला. धानुरी येथील विद्यामाता इंग्लिश स्कूलच्या ८ विद्यार्थ्यांनी सहभाग नोंदवला होता. त्यामध्ये समर्थ भोंडवे, राजवीर चव्हाण, प्रणव कदम, सृष्टी सुरवसे, समर्थ कुलकर्णी, अंकिता पाटील, तृप्ती पाटील, आरुषी जाधव या विद्यार्थ्यांचा समावेश होता. या विद्यार्थ्यांनी एकूण १४ सुवर्ण, ४ रौप्य व १ कास्य पदक असे एकूण १९ पदकांची कमाई केली. संस्थेचे अध्यक्ष अशोकराव जवळगे, सचिव किशोर साळुंके यांनी सर्व यशस्वी विद्यार्थ्यांचे कौतुक केले. शाळेच्या मुख्याध्यापिका हिरा सोलापूरे यांच्यासह ओम सुर्यवंशी, सुवर्णा शिंदे, ज्योती साठे, आशा कांबळे, हरुन हेडडे, रंजीत कांबळे, शिवमाला हुडगे, अश्विनी आळंगे, सोमनाथ कुसळकर, प्रतीक्षा गिराम, अस्मिता मम्माने, मनीषा तेलकर, रोहिणी यादव आदींनीही विद्यार्थ्यांचे कौतुक केले.
