वार्तादूत – डिजिटल न्युज नेटवर्क
स्थानिक गुन्हे शाखा : मा.पोलीस अधीक्षक श्री.अतुल कुलकर्णी यांचे आदेशावरुन स्थानिक गुन्हे शाखेचे पथक जिल्हातील मालाविषयक गुन्हे उघडकीस आणण्याकामी दि.25/02/2023 जरोजी उस्मानाबाद उपविभागात पेट्रोलिंग करीत असताना पोलीस उपनिरीक्षक श्री संदिप ओहेाळ यांना गुप्त बातमी दारामार्फत माहिती मिळाली कि, कोंड ता. जि.उस्मानाबाद येथील रहिवाशी अक्षय बाळु शिंदे याचेकडे चोरीच्या मोटारसायकल असुन त्याने त्याचे राहते घरामध्ये ठेवल्या आहेत. त्यावरुन स्थानिक गुन्हे शाखेचे
पोलीस पथकाने सदर ठिकाणी जावुन अक्षय बाळु शिंदे याचा शोध घेतला असता तो कोंड शिवारातील शेतामध्ये मिळुन आला. त्याचे राहते घरी जावुन खात्री केली असता त्याचे घरात एकुण 03 मोटारसायकल व 01 मोबाईल मिळुन आला. सदर मोटारसायकली व मोबाईल बाबत माहिती घेतली असता मोबाईल चोरीबाबत उस्मानाबाद शहर पोलीस ठाणे येथे तर इतर 03 मोटारसायकल विषयी माहिती घेतली असता त्या चोरी झालेबाबत शिराढोण पोलीस ठाणे, सोलापुर जिल्हातील सोलापुर तालुका व पांगरी पोलीस ठाणे याठिकाणी गुन्हे दाखल असल्याची माहिती प्राप्त झाली. सदर आरोपी नामे अक्षय बाळु शिंदे, वय 23 वर्षे,रा.सुंबा हल्ली रा.कोंड, ता.जि. उस्मानाबाद यास 03 दुचाकी मोटारसायकल व 01 मोबाईल असा एकुण 1,46,000/-रु चा मुददेमालासह ताब्यात घेवुन पुढिल कायदेशीर कारवाई करीता उस्मानाबाद शहर पोलीस ठाणे येथे हजर केले आहे.
सदरची कामगिरी मा.पोलीस अधीक्षक श्री.अतुल कुलकर्णी, मा.अपर पोलीस अधीक्षक श्री.नवनीत काँवत यांचे मार्गदर्शनाखाली स्थानिक गुन्हे शाखेचे प्रभारी पोनि-श्री.यशंवत जाधव, सपोनि-श्री.शैलेश पवार, पोउपनि संदिप ओहोळ पोहका-विनोद जानराव , समाधान वाघमारे, फरहान पठाण , मेहबुब अरब, पोना- नितीन जाधवर, अजित कवडे, बबन जाधवर या पथकाने केली आहे.
