वार्तादूत – डिजिटल न्युज नेटवर्क
मराठवाड्यातील झालेल्या गोगलगायीच्या प्रादुर्भावामुळे व अतिवृष्टीमुळे हवालदिल झालेल्या शेतकऱ्यांच्या पीक नुकसानीचे तत्काळ पंचनामे करून ठोस मदत जाहीर करावी या मागणीसाठी कळंब येथे राष्ट्रवादी काँग्रेसच्या वतीने सोमवारी (दि.२२) उपविभागीय कार्यालयावर नांगर मोर्चा काढण्यात आला. यावेळी मागण्यांचे निवेदन सादर करण्यात आले.
नांगर घेऊन हा मोर्चा काढण्यात आला. तसेच प्रातिनिधिक स्वरूपात प्रशासनाला नुकसान झालेल्या सोयाबीनच्या पेंड्या व गोगलगाय देऊन निषेध व्यक्त करण्यात आला. अतिवृष्टीमुळे व गोगलगायीमुळे नुकसान झालेल्या शेतकऱ्यांच्या पिकाची पाहणी करून तत्काळ पंचनामे करून ठोस मदत जाहीर करावी अशी मागणी राष्ट्रवादी काँग्रेसच्या वतीने करण्यात आली.
यावेळी राष्ट्रवादी काँग्रेसचे तालुकाध्यक्ष श्रीधर बाबा भवर, माजी पं.स. उपसभापती गुणवंत बप्पा पवार, युवक प्रदेश सरचिटणीस तारेखभाई मिर्झा, वक्ता सेलचे प्रदेश उपाध्यक्ष प्रा. तुषार वाघमारे, युवक प्रदेश कार्यकारीणी सदस्य शंतनु खंदारे, सोशल मीडिया जिल्हाध्यक्ष बालाजी भातलवंडे, युवक तालुका उपाध्यक्ष औदंबर धोंगडे, विठ्ठल कोकाटे, युवक शहर उपाध्यक्ष हुजेब बागवान, अमर बापू मडके, विद्यार्थी प्रतिनिधी आफताब तांबोळी, श्रीकांत मिटकरी, संदीप मोरे, रणजित वरपे, अंकुश पवार, बसवेश्वर भागुडे, विशाल मिटकरी, किरण खोसे, संतोष टोणगे यांच्यासह कार्यकर्ते उपस्थित होते.
