वार्तादूत – डिजिटल न्युज नेटवर्क
भारतीय संविधान गौरव दिनानिमित्त लोहारा शहरातील छत्रपती शिवाजी महाराज चौकात शुक्रवारी (दि.२५) भीमगीतांचा महाजलसा व संविधान पुस्तिकेचे वाटप कार्यक्रम घेण्यात आला.
या कार्यक्रमाच्या अध्यक्षस्थानी आरपीआयचे जिल्हाध्यक्ष राजाभाऊ ओव्हळ हे होते. यावेळी धर्मात्मा फाउंडेशनचे अध्यक्ष मिलिंद जगताप, आरपीआयचे राज्य सचिव संजय बनसोडे, भन्तेजी सुमेधजी, जि.प.चे माजी सभापती हरीश डावरे, छत्रपती कामगार संघटना अध्यक्ष तानाजी गायकवाड, महिला जिल्हाध्यक्षा अस्मिता पारवे, उपाध्यक्षा ज्योती लोखंडे, युवा उद्योजक सचिन कांबळे, संग्राम बनसोडे, जिल्हा संघटक सोमनाथ गायकवाड, सतीश कांबळे, अभिजित सूर्यवंशी, अमित बनसोडे, भालचंद्र कटारे, विजय बनसोडे यांची प्रमुख उपस्थिती होती.
यावेळी उपस्थित मान्यवरांच्या हस्ते महापुरुषांच्या प्रतिमेचे पूजन करण्यात आले. त्यानंतर राजाभाऊ ओव्हळ, हरीश डावरे, गोपाळ माने, संजय बनसोडे आदींची भाषणे झाली. यावेळी सम्यक कलमंच पुणे व सिद्धार्थ सांस्कृतिक कलामंच वरुडा यांनी भीमगीतांचा महाजलसा कार्यक्रम सादर केला. यास उपस्थितांनी उत्स्फूर्तपणे दाद दिली. या कार्यक्रमात विद्यार्थी, सामाजिक कार्यकर्ते व पत्रकारांना संविधानाच्या पुस्तकांचे मान्यवरांच्या हस्ते वितरण करण्यात आले. प्रास्ताविक नाना शितोळे यांनी केले. सूत्रसंचालन तिम्मा माने यांनी तर उत्तम भालेराव यांनी आभार मानले.
या कार्यक्रमाच्या यशस्वीतेसाठी आरपीआय रोजगार आघाडीचे जिल्हाध्यक्ष उत्तम भालेराव, तालुका सरचिटणीस बालाजी माटे, कलाप्पा दुपारगुडे, तिम्मा माने, बालाजी चव्हाण, महादेव वाघमारे, मोहन वाघमारे, रवी पवार, शुभम गायकवाड, मंगेश मस्के यांच्यासह पदाधिकारी व कार्यकर्ते यांनी परिश्रम घेतले.
