मराठवाडा मुक्तीसंग्राम अमृतमहोत्सवी वर्षानिमित्त हिप्परगा (रवा) येथील स्तंभाचे पूजन

मराठवाडा मुक्तीसंग्राम अमृतमहोत्सवी वर्षानिमित्त तालुक्यातील हिप्परगा (रवा) येथील स्तंभाचे गटविकास अधिकारी शितल खिंडे यांच्या हस्ते सोमवारी (दि.१७) पूजन करण्यात आले.
लोहारा तालुक्यातील हिप्परगा (रवा) येथे मराठवाडा मुक्तीसंग्रामाला ७५ वर्ष पूर्ण होत असल्यामुळे ग्रामपंचायत हिप्परगा (रवा), मराठवाडा मुक्तीसंग्राम संयोजन समिती व ग्रामस्थांच्या वतीने येथील स्तंभाचे दर महिन्याच्या १७ तारखेला पूजन करण्यात येते.

सोमवारी (दि.१७) लोहारा पंचायत समितीच्या गटविकास अधिकारी शितल खिंडे यांच्या हस्ते या स्तंभाचे पूजन करण्यात आले. यावेळी वृक्षारोपण करण्यात आले. यावेळी पंचायत समितीचे विस्तार अधिकारी वग्गे, ग्रामसेवक संघटनेचे जिल्हाध्यक्ष महादेव जगताप, सरपंच अभिमान कांबळे, उपसरपंच विजय लोमटे, मुख्याध्यापिका कांबळे, स्वामी सर, गोपीनाथ मैंदाड, अजित जाधव, संजय जाधव, बाळु वाघमारे आदींसह विद्यार्थी उपस्थित होते.