वार्तादूत – डिजिटल न्युज नेटवर्क
लोहारा तालुक्यातील नागराळ-हिप्परगा रस्त्यावरील पुलाच्या कामाचे आमदार ज्ञानराज चौगुले यांच्या हस्ते शुक्रवारी (दि.१२) लोकार्पण करण्यात आले.
तालुक्यातील नागराळ येथील नागराळ – हिप्परगा रस्त्यावरील ओढ्यावर पूल नसल्यामुळे येथील शेतकरी व नागरिक यांना पावसाळ्यात गैरसोयीचा सामना करावा लागत होता. या ओढ्यावर पूल मंजूर करणेबाबत येथील नागरिकांनी आमदार ज्ञानराज चौगुले यांच्याकडे मागणी केलेली होती. या अनुषंगाने आमदार ज्ञानराज चौगुले यांनी सदर कामासाठी त्यांच्या आमदार निधीतून १० लक्ष रुपयांचा निधी उपलब्ध करून दिला असून या निधीतून पुलाचे काम पूर्ण झालेले आहे. या पुलाचे शुक्रवारी (दि.१२) आमदार ज्ञानराज चौगुले यांच्या हस्ते लोकार्पण करण्यात आले.
यावेळी युवा नेते किरण गायकवाड, शिवसेना तालुकाप्रमुख मोहन पनुरे, माजी तालुकाप्रमुख ज्ञानेश्वर सूर्यवंशी, युवासेना तालुकाप्रमुख अमोल बिराजदार, लोहारा शहरप्रमुख सलीम शेख, गटनेते अभिमान खराडे, श्रीकांत भरारे, सरपंच रितू गोरे, उपसरपंच गुंडू जाधव, सत्यनारायण गोरे, सोपान शिंदे, बळीराम गोरे, बाबुराव घाडगे, रत्नाजी माटे, विश्वनाथ गोरे, तेजाबाई कोळी, जगदीश लांडगे, कुलदीप गोरे, किरण चिंचोले, प्रेम लांडगे, हिप्परग्याचे सरपंच राम मोरे, शिवाजी कदम, पांडुरंग पवार, महेबूब गवंडी आदी उपस्थित होते.
