वार्तादूत – डिजिटल न्युज नेटवर्क
राष्ट्रिय ग्रामिण आर्थिक परिवर्तन प्रकल्पांतर्गत तालुक्यातील बेंडकाळ येथे बुधवारी (दि.३१) तालुकास्तरीय सेंद्रीय निविष्ठा प्रात्यक्षिक कार्यक्रम घेण्यात आला. यावेळी उपस्थित महिला शेतकऱ्यांना पंचायत समितीचे कृषि विस्तार अधिकारी किरण निंबाळकर यांनी बायोगॅस आणि विहीर या योजनेची माहिती दिली.
महाराष्ट्र राज्य ग्रामीण जीवनोन्नती अभियान व राष्ट्रिय ग्रामिण आर्थिक परिवर्तन प्रकल्पांतर्गत सन २०१९-२० पासुन लोहारा तालुक्यात बचत गटातील महिला शेतकरी यांच्यासाठी सेंद्रीय शेती अभियान चालु आहे. त्या अंतर्गत आजपर्यंत तालुक्यात एकुण २७ गावामध्ये २० सेंद्रीय शेतकरी गट कार्यरत आहेत. सेंद्रीय शेती करत आहेत. तालुका समन्वयक नरेंद्र गवळी यांनी सेंद्रीय शेती करत असताना माती परीक्षण, उगवण क्षमता, बिज प्रक्रीया करून घरचे बियाणे पेरणी करावी तसेच कीड व रोग नियंत्रणासाठी सेंद्रीय निविष्ठा दशपर्णी अर्क, जिवामृत, वेस्ट डीकंपोजर, अग्निअस्त्र, व्हर्मी वॉश, रंगीत सापळे, कामगंध सापळे, गांडुळ खत इ. सेंद्रीय निविष्ठांचे वापर कसे करावे याची माहिती दिली. या एकदिवसीय सेंद्रीय प्रात्यक्षिक निविष्ठा उत्पादन कार्यक्रमामध्ये तालुका कृषि अधिकारी मिलिंद बिडबाग यांनी कृषि विभागाच्या सर्व योजनेची माहिती देवून त्याचा लाभ घेण्याचे आवाहन केले. तसेच पंचायत समितीचे गटविकास अधिकारी सोपान अकेले, उमेदचे तालुका अभियान व्यवस्थापक अमोल कासार, सरपंच सुरेखा अनंत गोरे यांनी सेंद्रीय निविष्ठांची पाहणी करून उपस्थित महिला शेतकऱ्यांना सेंद्रीय शेती करण्यासाठी मार्गदर्शन केले. सेंद्रीय शेती निविष्ठा उत्पादन प्रात्यक्षिक कार्यक्रम तालुका अभियान व्यवस्थापन कक्ष, लोहारा अंतर्गत प्रभाग समन्वयक प्रदिप चव्हाण, शिवशंकर कांबळे, कृषि व्यवस्थापक किशोर हुडेकर, सचिन गायकवाड, कृषि सखी, सीआरपी यांनी सेंद्रीय निविष्ठा प्रात्यक्षिक करून दाखविले. प्रभाग कृषी व्यवस्थापक किशोर औरादे यांनी सेंद्रिय शेतीचे महत्त्व व खरीप पूर्व शेतीचे नियोजन, शेतीला कधी वेळ दिला पाहिजे, शेतीचे अचूक सुत्र सांगत शेतामध्ये नैसर्गिक शेतीचे महत्व सांगितले.
कार्यक्रमाचे सूत्रसंचालन सौरभ जगताप यांनी तर आभार किशोर हुडेकर यांनी मानले. सेंद्रिय शेतीचे प्रदर्शन भरविण्यासाठी बेंडकाळ येथील कृषी सखी लक्ष्मी कल्याण मोरे, गीता गोरे, प्रभाग कृषी समन्वयक प्रदीप चव्हाण कांबळे, प्रभाग कृषी व्यवस्थापक सचिन गायकवाड, किशोर हुडेकर , तसेच कानेगाव प्रभागाचे सि एल एफ मॅनेजर मंगल ताई, स्वयंम शिक्षण प्रयोगचे तालुका कॉडिनेटर शिल्पा वेलदोडे यांनी परिश्रम घेतले.
