वार्तादूत – डिजिटल न्युज नेटवर्क
लोहारा तालुक्यातील हिप्परगा (रवा) येथील अनेक तरुणांनी काँग्रेस पक्षात प्रवेश केला आहे. उस्मानाबाद येथे पक्षाच्या आढावा बैठकीत काँग्रेस पार्टीचे प्रदेश कार्याध्यक्ष बसवराज पाटील, प्रदेश कार्याध्यक्ष शिवाजीराव मोघे, माजी मंत्री मधुकरराव चव्हाण यांच्या हस्ते त्यांना काँग्रेस पक्षात प्रवेश देण्यात आला.
जिल्ह्यात होऊ घातलेल्या आगामी नगर पालिका, नगरपंचायत, जिल्हापरिषद, पंचायत समिती निवडणुकीचा आढावा घेण्यासाठी उस्मानाबाद येथील काँग्रेस भवन येथे बैठक संपन्न झाली. या बैठकीच्या अध्यक्षस्थानी जिल्हा काँग्रेस पार्टीचे अध्यक्ष धीरज पाटील होते. यावेळी मराठवाडा प्रभारी तथा प्रदेश काँग्रेस कमिटीचे कार्याध्यक्ष शिवाजीराव मोघे, प्रदेश कार्याध्यक्ष तथा माजी मंत्री बसवराज पाटील, माजी मंत्री मधुकरराव चव्हाण, काँग्रेस पार्टीचे कार्याध्यक्ष प्रकाश आष्टे, जिल्हा उपाध्यक्ष दिलीप भालेराव, काँग्रेसचे लोहारा तालुकाध्यक्ष अमोल पाटील यांच्यासह अनेक प्रमुख पदाधिकारी यांची उपस्थिती होती. सातप्पा होनाळकर, हरीभाऊ गवळी, नरसिंग हराळे, दत्तात्रेय पाटील यांच्या मार्गदर्शनाखाली हिप्परगा (रवा) येथील विनोद मोरे, कुमार गिराम, बालाजी होनाळकर, बिभिशन हराळे, हनुमंत जाधव, गणेश कांबळे, गणेश नरगाळे, गोविंद नरगाळे, सातलिंग गिराम, सुनील राठोड, लक्ष्मण जाधव, शिवानंद होनाळकर, भरत होनाळकर, दत्तात्रेय वाडीकर, भागवत जाधव यांच्यासह अनेक तरुणांनी काँग्रेस पक्षात प्रवेश केला आहे. 
यावेळी जिल्ह्यातील सर्व तालुकाध्यक्ष, युवक काँग्रेस, ओबीसी सेल, महिला काँग्रेस, एन एस यू आय, सर्व विभागाचे पदाधिकारी, नगराध्यक्ष, सभापती, जिल्हा परिषद, पंचायत समिती, ग्रामपंचायत पदाधिकारी कार्यकर्ते उपस्थित होते.
