लोहारा शहरातील किंग कोब्रा गणेश मंडळाकडून रक्तदान शिबिराचे आयोजन – ५१ रक्तदात्यांनी केले रक्तदान

वार्तादूत – डिजिटल न्युज नेटवर्क
लोहारा येथे गणेशोत्सवात मंडळांकडून विविध सामाजिक उपक्रम राबविण्यात येत आहेत. शहरातील किंग कोब्रा गणेश मंडळाने शुक्रवारी (दि.२) रक्तदान शिबिराचे आयोजन केले होते. यात ५१ रक्तदात्यांनी रक्तदान केले.
लोहारा शहरातील अनेक गणेश मंडळांकडून गणेशोत्सव काळात विविध सामाजिक उपक्रम राबविले जातात. दरवर्षी वृक्षारोपण, रक्तदान शिबिर अशा अनेक कार्यक्रमाचे आयोजन करण्यात येते.

यावर्षीही विविध कार्यक्रमांचे आयोजन करण्यात आले आहे. शहरातील किंग कोब्रा गणेश मंडळाने शुक्रवारी (दि.२) रक्तदान शिबिराचे आयोजन केले होते. या शिबिरात ५१ रक्तदात्यांनी रक्तदान केले. उमरगा येथील श्रीकृष्ण रक्तपेढीचे प्रयोगशाळा तंत्रज्ञ सुशांत सावंत, किशोर खरोसे, भरत सुरवसे, राम चव्हाण, हृतिक म्हेत्रे, धीरज लगदिवे यांनी रक्तसंकलन केले. रक्तदान शिबिर यशस्वी करण्यासाठी मंडळाच्या सदस्यांनी परिश्रम घेतले. या शिबिरात राखी बक्ष या तृतीयपंथीयानीही रक्तदान केले.