अवैध मद्य विरोधी विशेष मोहिमेदरम्यान जिल्हा भरात 22 छापे – लोहारा तालुक्यासह जिल्हाभरात २२ व्यक्तिविरोधात गुन्हे दाखल

वार्तादूत – डिजिटल न्युज नेटवर्क
उस्मानाबादचे पोलीस अधीक्षक श्री. अतुल कुलकर्णी व मा. अपर पोलीस अधीक्षक श्री. नवनीत काँवत यांच्या आदेशावरुन काल सोमवार दि. 17.10.2022 रोजी अवैध मद्य विरोधी विशेष मोहिम राबवण्यात आली. या मोहिमेदरम्यान 22 कारवाया करण्यात आल्या. या छाप्यात आढळलेला गावठी दारु निर्मीतीचा सुमारे 50 लि. द्रवपदार्थ जागीच ओतून नष्ट करण्यात आला तर 417 लि. गावठी दारु, व देशी दारुच्या 201 बाटल्या व 88 लि. शिंदी अंमली द्रव असे मद्य जप्त करण्यात आले. ओतून दिलेला मद्यार्क निर्मीतीचा द्रवपदार्थ व जप्त दारु यांची एकत्रीत किंमत 52,590 ₹ आहे. यावरुन 22 व्यक्तींविरुध्द महाराष्ट्र मद्य मनाई कायद्यांतर्गत संबंधीत पोलीस ठाण्यात 22 गुन्हे खालीलप्रमाणे दाखल करण्यात आले आहेत.
1) बेंबळी पो.ठा. च्या पथकाने दोन ठिकाणी छापे टाकले. यात डिकमल पारधी पिढी ग्रामस्थ- अनिता भोसले या 13.00 वा. सु. केशेगाव शिवारातील धारुर रस्त्यालगत 70 लि. शिंदी हा अंमली द्रव बाळगलेल्या, तर ताकविकी ग्रामस्थ- अंजली पवार या 13.30 वा. सु. गावातील तोरंबा फाटा रस्त्यालगत देशी दारुच्या 17 सिलबंद बाटल्या बाळगलेल्या असताना पथकास आढळल्या.
2) मुरुम पो.ठा. च्या पथकाने तीन ठिकाणी छापे टाकले. यात आष्टाकासार लमाण तांडा येथील- अनिता जाधव या 11.40 वा. सु. तांड्यावरील पाण्याच्या टाकीजवळ 24 लि. गावठी दारु बाळगलेल्या, तर बलसुर येथील- शिवराम सरवदे हे 12.10 वा. सु. कडदोरा गावात 24 लि. गावठी दारु बाळगलेले, तर शास्त्रीनगर तांडा येथील- दादाराव राठोड हे 15.50 वा. सु. तांडा परिसरात 25 लि. गावठी दारु बाळगलेले असताना पथकास आढळले.
3) ढोकी पो.ठा. च्या पथकाने दोन ठिकाणी छापे टाकले. यात दत्तनगर पारधी पिढी, ढोकी येथील- कालीदास शिंदे हे 16.40 वा. सु. पिढीवरील राहत्या घरासमोर 70 लि. गावठी दारु बाळगलेले, तर भंडारवाडी येथील- शरद गुरव हे 17.40 वा. सु. गाव शिवारातील एका ढाब्यामागे देशी दारुच्या 11 सिलबंद बाटल्या व 80 लि. गावठी दारु बाळगलेले असताना पथकास आढळले.
4) स्थानिक गुन्हे शाखेच्या पथकाने तीन ठिकाणी छापे टाकले. यात उस्मानाबाद (ग्रा.) पो.ठा. हद्दीत वडगांव ग्रामस्थ- सुरेश पवार हे 13.10 वा. सु. येडशी येथील गणेश हॉटेलसमोर देशी दारुच्या 10 सिलबंद बाटल्या व 25 लि. गावठी दारु बाळगलेले, तर येरमाळा पो.ठा. हद्दीत शेलगाव फाटा येथील- लताबाई काळे या 14.10 राहत्या परिसरात पत्रा शेडजवळ देशी दारुच्या 15 सिलबंद बाटल्या व 30 लि. गावठी दारु बाळगलेल्या, तसेच वाशी पो.ठा. हद्दीत सरमकुंडी येथील- अमोल पाटील हे 17.30 वा. सु. गाव शिवारातील संकेत हॉटेलमागे देशी दारुच्या 48 सिलबंद बाटल्या बाळगलेले असताना पथकास आढळले. यावरुन त्यांच्या विरुध्द उस्मानाबाद (ग्रा.), येरमाळा व वाशी पो.ठा. येथे गुन्हे नोंदवले आहेत.
5) लोहारा पो.ठा. च्या पथकाने दोन ठिकाणी छापे टाकले. यात नागराळ येथील- रमेश गोरे हे 13.30 वा. सु. उमरगा येथील कदम कॉम्प्लेक्समागे 18 लि. शिंदी हा अंमली द्रव बाळगलेले, तर नागुर येथील- शाहुराज
सोनवणे हे 17.30 वा. सु. गावातील आपल्या घरासमोर देशी दारुच्या 15 सिलबंद बाटल्या बाळगलेले असताना पथकास आढळले.
6) तुळजापूर पो.ठा. च्या पथकाने दोन ठिकाणी छापे टाकले. यात वेताळनगर, तुळजापूर येथील- रविंद्र कसबे हे 19.05 वा. सु. तडवळा शिवारातील हॉटेल देवराज धाबा येथे देशी दारुच्या 41 सिलबंद बाटल्या बाळगलेले, तर काक्रंबा येथील- राजेंद्र झाडे हे 20.35 वा. सु. गावातील धारुर रस्त्यालगत 30 लि. गावठी दारु बाळगलेले असताना पथकास आढळले.
7) वाशी पो.ठा. च्या पथकाने दोन ठिकाणी छापे टाकले. यात पारधी पिढी, गोलेगाव येथील- लक्ष्मण काळे या 17.30 वा. सु. गावातील आपल्या पत्रा शेडसमोर 20 लि. गावठी दारु बाळगलेले, तर विजोरा येथील- अमर खोसे हे 19.00 वा. सु. गाव शिवारातील शिवबा हॉटेलसमोर देशी दारुच्या 14 सिलबंद बाटल्या बाळगलेले असताना पथकास आढळले.
8) भुम पो.ठा. च्या पथकास लक्ष्मीनगर, भुम येथील- संगीता काळे या 12.20 वा. सु. आपल्या राहत्या घरासमोर गावठी दारु निर्मीतीचा गुळ- पाणी मिश्रीत अंबवलेला 50 लि. द्रव पदार्थ व 10 लि. गावठी दारु बाळगलेल्या असताना आढळल्या.
9) येरमाळा पो.ठा. च्या पथकास येरमाळा येथील- अरुण बारकुल हे 13.00 वा. सु. येरमाळा बस स्थानकासमोर देशी दारुच्या 10 सिलबंद बाटल्या बाळगलेले असताना आढळले.
10) अंबी पो.ठा. च्या पथकास शेळगाव, ता. परंडा येथील- वसंत कोडांने हे 18.00 वा. सु. गावातील एका हॉटेलजवळ देशी दारुच्या 20 सिलबंद बाटल्या बाळगलेले असताना आढळले.
11) उस्मानाबाद (ग्रा.) पो.ठा. च्या पथकास अंबेहोळ येथील- सुजित गायकवाड हे 16.50 वा. सु. गावातील आपल्या किराणा दुकानाजवळ 09 लि. गावठी दारु बाळगलेले असताना आढळले.
12) शिराढोन पो.ठा. च्या पथकास लोहटा (पुर्व), ता. कळंब येथील- केसरबाई पवार या 21.30 वा. सु. आपल्या घरासमोर 10 लि. गावठी दारु बाळगलेल्या असताना आढळल्या.
13) उमरगा पो.ठा. च्या पथकास पळसगाव तांडा, ता. उमरगा येथील- संजय राठोड हे 17.15 वा. सु. तांड्यावरील आपल्या घरासमोर 60 लि. गावठी दारु बाळगलेले असताना आढळले.