वार्तादूत – डिजिटल न्युज नेटवर्क
लोहारा तालुक्यातील जेवळी येथे ग्रामपंचायतीच्या वतीने कोविड आयसोलेशन सेंटर उभारण्यात आले असून याचा शुभारंभ मंगळवारी (दि.४) आमदार ज्ञानराज चौगुले व युवा नेते किरण गायकवाड यांच्या उपस्थितीत करण्यात आला.
यावेळी लोहारा तालुक्यातील कोविड रुग्णांसाठी शिवसेनेच्या वतीने एक रुग्णवाहिका देण्यात आली. तसेच जेवळी ग्रामपंचायतीच्या वतीने गावातील ६ अपंग नागरिकांना प्रत्येकी ३ हजार रुपयांचे धनादेश उपस्थितांच्या हस्ते वाटप करण्यात आले.
या कार्यक्रमास युवा नेते किरण गायकवाड. तहसीलदार संतोष रुईकर, गटविकास अधिकारी सोपान अकेले, तालुका आरोग्य अधिकारी डॉ. अशोक कटारे डॉ. मोघे, डॉ. ढोबळे, सरपंच तथा शिवसेना तालुकाप्रमुख मोहन पनुरे, युवा सेना तालुकाप्रमुख अमोल बिराजदार, नगरसेवक शाम नारायणकर, मल्लीनाथ डिग्गे आदी उपस्थित होते.
या आयसोलेशन सेंटर साठी युवा नेते किरण गायकवाड यांनी २५ बेड व गाद्या उपलब्ध करून दिल्या असून पुढील काळातही शिवसेनेकडून सर्वतोपरी मदत करण्यात येईल असे आश्वासन आमदार ज्ञानराज चौगुले यांनी यावेळी दिले. दरम्यान, आमदार ज्ञानराज चौगुले व युवा नेते किरण गायकवाड यांनी माकणी येथे लोकसहभागातून उभारण्यात आलेल्या कोविड सेंटरलाही भेट देऊन तेथील सोयीसुविधांची पाहणी केली.
