राष्ट्रवादी युवक काँग्रेसच्या प्रदेश सचिवपदी दिग्विजय शिंदे

वार्तादूत – डिजिटल न्युज नेटवर्क
राष्ट्रवादी युवक काँग्रेसच्या प्रदेश सचिव पदी दिग्विजय शिंदे यांची निवड करण्यात आली आहे. त्यांच्या या निवडीबद्दल सर्वत्र कौतुक करून अभिनंदन केले जात आहे.
स्वच्छता व पर्यावरण राज्यमंत्री संजय बनसोडे, राष्ट्रवादी युवक काँग्रेसचे प्रदेशाध्यक्ष महेबूब शेख, उस्मानाबाद जिल्हा राष्ट्रवादी काँग्रेसचे जिल्हाध्यक्ष सुरेशदाजी बिराजदार यांच्या प्रमुख उपस्थितीत बुधवारी (दि.२९) मुंबई येथे दिग्विजय शिंदे यांना हे नियुक्तीपत्र देण्यात आले आहे. आदरणीय शरदचंद्रजी पवार साहेब यांच्या विचारानुसार पुढील काळात राष्ट्रवादी युवक काँग्रेसच्या माध्यमातून सर्वसामान्य युवकांच्या विकासात आपण भरीव कार्य कराल पक्ष संघटना मजबुतीने उभी करावी अशी अपेक्षा या नियुक्तीपत्रात करण्यात आली आहे.

आज माझी राष्ट्रवादी युवक काँग्रेसच्या प्रदेश सचिव पदी निवड करण्यात आली. त्याबद्दल आदरणीय शरदचंद्रजी पवार साहेब, राज्याचे उपमुख्यमंत्री आदरणीय अजितदादा पवार साहेब, महाराष्ट्र राज्याचे प्रदेश अध्यक्ष ना. जयंतजी पाटील साहेब, खा.सुप्रियाताई सुळे, ना. धनंजय मुंडे साहेब, राज्यमंत्री संजयजी बनसोडे साहेब, राष्ट्रवादी युवक काँग्रेसचे प्रदेशाध्यक्ष मेहबूब शेख, उस्मानाबाद राष्ट्रवादी काँग्रेसचे जिल्हाध्यक्ष प्रा. सुरेशदाजी बिराजदार साहेब यांचे मनस्वी आभार. तसेच फुले शाहू आंबेडकर यांच्या विचाराने प्रेरित होऊन आदरणीय साहेबांचे विचार, राज्याचे उपमुख्यमंत्री आदरणीय अजितदादा यांची विकासाची दूरदृष्टी उस्मानाबाद जिल्हा व महाराष्ट्र राज्याच्या प्रत्येक कानाकोपऱ्यात पोहचवण्यासाठी मी कटिबध्द राहील अशी ग्वाही दिग्विजय शिंदे यांनी यावेळी दिली. दिग्विजय शिंदे यांची राष्ट्रवादी युवक काँग्रेसच्या प्रदेश सचिव पदी निवड झाल्याबद्दल त्यांचे अभिनंदन करण्यात येत आहे.