सास्तुर जि.प. मतदारसंघात भाजपा जिल्हा उपाध्यक्ष राहुल पाटील व जि.प.सदस्या शितल पाटील यांच्या हस्ते विविध विकास कामाचे भूमिपूजन

वार्तादूत – डिजिटल न्युज नेटवर्क
लोहारा तालुक्यातील सास्तुर जि.प. मतदार संघातील तावशीगड, सालेगाव, तोरंबा आदी ठिकाणी भाजपा जिल्हा उपाध्यक्ष राहुल पाटील व जि.प.सदस्या शितल पाटील यांच्या हस्ते सोमवारी (दि. १५) विविध विकास कामाचे भूमिपूजन करण्यात आले.लोहारा तालुक्यातील सास्तुर जि प मतदारसंघात तावशीगड ते करजगाव – डांबरीकरण रु. २० लक्ष, तावशीगड ते तोरंबा – डांबरीकरण रु. ११ लक्ष, चिरकापाटी पाईपलाईन रु. ३ लक्ष, सालेगाव उ. नागोबा मंदिर ते तोरंबा डांबरीकरण – २५ लक्ष, तोरंबा जुने ते करवंजी डांबरीकरण रु.१० लक्ष इतका निधी मंजूर करण्यात झाला आहे. यावेळी भाजपा जिल्हा उपाध्यक्ष राहुल पाटील व जि.प.सदस्या शितल पाटील यांच्या हस्ते सोमवारी (दि. १५) या कामाचे भूमिपूजन करण्यात आले. यावेळी ग्रामसेवक एस. जे. मोरे, ग्रामसेवक एन. बी. भोरे, राजपाल पाटील, दयानंद थोरात, लक्ष्मण बिराजदार, राम मिटकरी, वसंत चेंडकाळे, महेश घोटाळे, सालेगाव येथील नारायण गुरव, मुरली पाटील, व्यंकट बडूरे, गोविंद बापू बिराजदार, कमलाकर देशपांडे, प्रवीण गोरे, तोरंबा येथील व्यंकट रणखांब, दादासाहेब रनखांब, नामदेव मातोळे, मधुकर बिराजदार, प्रकाश चव्हाण, वसंत कोरे यांच्यासह ग्रामस्थ उपस्थित होते. या प्रसंगी राहुल पाटील व जि.प.सदस्या शितलताई पाटील यांनी उत्तम दर्जाची कामे करुन घ्या असे संबंधित अधिकाऱ्यांना सूचित केले.