लोहारा तालुक्यातील मुर्शदपुर येथे रविवारी (दि. २९) नूतन लोकप्रतिनिधींचा सत्कार समारंभ आयोजित करण्यात आला होता. या कार्यक्रमात महिलांसाठी स्पर्धा घेण्यात आली.
तालुक्यातील मुर्शदपुर येथे जागतिक महिला दिनानिमित्त हा कार्यक्रम आयोजित करण्यात आला होता. या कार्यक्रमाच्या अध्यक्षस्थानी जिल्हा परिषद उपाध्यक्षा उषा गायकवाड या होत्या. यावेळी पंचायत समिती सभापती आकांक्षा चौगुले, पल्लवी जानकर, सास्तुरच्या सरपंच शीतल पाटील, जिल्हा परिषद सदस्या रोहिणी कोकणे, पंचायत समिती सदस्या प्रगती घोटाळे, मालन कांबळे, जिजाऊ ब्रिगेडच्या जिल्हाध्यक्षा रेखा पवार, जिल्हा उपाध्यक्षा वंदना भगत, तालुकाध्यक्ष डॉ. केशनी माकणे, सत्यवती इंगळे यांची प्रमुख उपस्थिती होती. महिलांनी एकमेकांच्या अडचणी, समस्या याविषयी चर्चा केली पाहिजे. महिलांनी एकजुटीने राहून या समस्या सोडविल्या पाहिजेत असे आवाहन उपाध्यक्षा उषा गायकवाड यांनी यावेळी केले. महिला केंद्र व जिल्हा परिषद शाळा कंपाउंड दुरुस्ती करण्याचे आश्वासन त्यांनी दिले. यावेळी सास्तुरच्या सरपंच शीतल पाटील, उमरगा पंचायत समिती सभापती आकांक्षा चौगुले, जिजाऊ ब्रिगेडच्या जिल्हाध्यक्षा रेखा पवार, उपाध्यक्षा वंदना भगत यांनी उपस्थित महिलांना सक्षमीकरण याविषयी मार्गदर्शन
केले. यावेळी जिजाऊ ब्रिगेडच्या ग्रामशाखेचे उद्घाटन करण्यात आले. या शाखेच्या अध्यक्ष म्हणून कल्पना पाटील तर सचिव म्हणून मनीषा चाकूरे यांना नियुक्तीपत्र देण्यात आले. यावेळी कार्यकारिणी जाहीर करण्यात आली. या कार्यक्रमासाठी नंदिनी मोरे, मंजुषा बलसु्रे, मनीषा चाकूरे, कल्पना पाटील, वंदना खरोसे, स्वाती कुंभार, निकिता कदीरे यांच्यासह गावातील महिलांनी परिश्रम घेतले. या
कार्यक्रमाचे सूत्रसंचालन मंजुषा बलसु्रे यांनी केले. यावेळी महिलांसाठी संगीत खुर्ची स्पर्धा घेण्यात आली. या स्पर्धेतील विजेत्यांना बक्षीस देण्यात आले. यावेळी भाग्यश्री रणदिवे, प्रिया पवार, मायाताई माळी, सुलक्षणा पाटील आदींसह गावातील महिला उपस्थित होत्या.
