वार्तादूत – डिजिटल न्युज नेटवर्क
कळंब येथील सोजर मतिमंद निवासी शाळेतील सर्व शिक्षक व मुख्याध्यापक यांनी “आरोग्य दुत” (स्कुल हेल्थ अँड वेलनेस प्रोग्राम) अंतर्गत दि. २२ ते २५ फेब्रुवारी या दरम्यान ऑनलाईन प्रशिक्षण घेतले.
शाळेतील मुख्याध्यापक अर्जून गरड, सुनिल काळे (विशेष शिक्षक) व शिक्षिका रोहिणी पवार यांनी सर्वप्रथम शाळा यू डायस क्रमांक द्वारे लॉगिन करून प्री टेस्ट दिली व उपस्थिती दाखवली. भारत सरकारच्या वतीने शालेय विद्यार्थ्यांचे आरोग्य आणि रोग प्रतिबंधक उपाययोजना करण्याच्या दृष्टीने “आयुषमान भारत ” या उपक्रमांतर्गत शालेय आरोग्य कार्यक्रमाची अंमलबजावणी आरोग्य विभागाच्या समन्वयाने सुरू आहे. जिल्ह्यातील शाळामधील दोन शिक्षक व मुख्याध्यापक यांच्यासाठी हे ऑनलाईन प्रशिक्षण आयोजित करण्यात आले होते. संगणकीय प्रणालीवर सर्व शिक्षकांनी सदर पोर्टल विकसीत करून प्रशिक्षण घेतले. सदर प्रशिक्षणामधे मुलांच्या सवयी, जाणीवा, जनजागृती, जबाबदारी, वर्तन समस्या, आरोग्य, हिंसा इत्यादी विषयावर चर्चा करण्यात आली. दिव्यांग मुलांसाठी हे प्रशिक्षण महत्वाचे वाटले असे मत व्यक्त करण्यात आले. सर्वशिक्षकांनी यात सहभाग नोंदवला.
