वार्तादूत – डिजिटल न्युज नेटवर्क
लोहारा तालुक्यातील माकणी येथील निम्न तेरणा प्रकल्प पूर्ण क्षमतेने भरल्याने धरणाचे दरवाजे उघडण्यात आले असून पाण्याचा विसर्ग सुरु करण्यात आला आहे. हा प्रकल्प पूर्ण भरल्यामुळे परिसरातील शेतकरी व पाणीपुरवठा योजनांसाठी आवश्यक असलेली पुढील १ वर्षाची पाण्याची गरज भागणार आहे. या अनुषंगाने सोमवारी (दि.२७) आमदार ज्ञानराज चौगुले यांनी या प्रकल्पास भेट देऊन पाहणी व जलपूजन केले. यावेळी त्यांनी सदर प्रकल्पावर सुरक्षिततेच्या दृष्टीने सर्व उपयोजना करणेबाबत तहसीलदार यांना सूचना केल्या. तसेच महावितरणकडून सर्व अत्यावश्यक सेवा पुरविणेबाबत महावितरण अधिकाऱ्यांना निर्देश दिले.
यावेळी युवा नेते किरण गायकवाड, तहसीलदार संतोष रुईकर, लातूर पाटबंधारे विभागाचे कार्यकारी अभियंता रोहित जगताप, उपकार्यकारी अभियंता नितीन पाटील, सहाय्य्क अभियंता के.आर. येनगे, तालुकाप्रमुख मोहन पनुरे, सरपंच विठ्ठल साठे, माजी शिवसेना तालुकाप्रमुख ज्ञानेश्वर सूर्यवंशी, विनोद मुसांडे, सुधीर घोडके, अविनाश माळी, दिपक रोडगे, काकासाहेब चव्हाण, युनूस पटेल, सचिन ढोणे, प्रशांत सूर्यवंशी, श्याम पवार, ग्रामपंचायत सदस्य गोवर्धन अलमले, सरदार मुजावर, प्रताप राजपूत, बिभीषण हाके, सहाय्यक अभियंता महावितरण रेड्डी आदी उपस्थित होते.
