लोहारा तालुक्यातील करवंजी येथील विलास कांबळे, उपसरपंच काशिनाथ देवकर यांचा राष्ट्रवादीत प्रवेश – जिल्हाध्यक्ष सुरेशदाजी बिराजदार यांच्या हस्ते केला प्रवेश

वार्तादूत – डिजिटल न्युज नेटवर्क
लोहारा तालुक्यातील करवंजी येथील विलास कांबळे, उपसरपंच काशीनाथ देवकर यांनी कार्यकर्त्यांसह राष्ट्रवादी काँग्रेस पक्षाचे जिल्हाध्यक्ष प्रा. सुरेश बिराजदार यांच्या हस्ते राष्ट्रवादी काँग्रेस पक्षात सोमवारी (दि.१५) प्रवेश केला.
यावेळी भाऊसाहेब कारखाना संचालक गोविंदराव साळुंके, राष्ट्रवादी युवकचे विधानसभा अध्यक्ष बाबा पवार, युवक तालुकाध्यक्ष शमशोद्दीन जमादार, अमोल पाटील यांची प्रमुख उपस्थिती होती. शरदचंद्रजी पवार यांच्या विचारावर श्रद्धा ठेवून प्रा. सुरेश बिराजदार यांच्या नेतृत्वाखाली गावाच्या विकासासाठी व प्रगतीसाठी राष्ट्रवादी काँग्रेस पक्षाचा झेंडा हाती घेतला असल्याचे विलास कांबळे व उपसरपंच काशिनाथ देवकर यांनी यावेळी बोलताना सांगितले. यावेळी त्यांच्यासह अनेक युवकांनी राष्ट्रवादी काँग्रेस पक्षामध्ये जाहीर प्रवेश केला. या कार्यक्रमासाठी रणजीत गायकवाड, प्रताप महाराज, गुलाब चव्हाण, बाळु बुंदगे, महादेव नांगरे, पवन पाटील आदीसह ग्रामस्थ उपस्थित होते.