वार्तादूत – डिजिटल न्युज नेटवर्क
लोहारा तालुक्यातील तावशिगड येथील विद्यमान ग्रामपंचायत सदस्यांसह अनेक तरुणांनी राष्ट्रवादी काँग्रेसमध्ये जाहीर प्रवेश केला आहे. उस्मानाबाद येथील राष्ट्रवादी काँग्रेसच्या कार्यालयात जिल्हाध्यक्ष सुरेश बिराजदार यांच्या हस्ते मंगळवारी (दि.५) प्रवेश देण्यात आला.
तालुक्यातील तावशिगड ग्रामपंचायतचे विद्यमान सदस्य गजानन राम मिटकरी, संजय बापूराव दंडगुले, प्रदीप हरिदास चेंडकाळे, महाराणा प्रताप संघटनेचे अध्यक्ष व्यंकट राजपूत, बसव ब्रिगेडचे अध्यक्ष संजय मिटकरी यांच्यासह शिवसेना व काँग्रेस पक्षातील अनेक तरुणांनी राष्ट्रवादी काँग्रेसमध्ये प्रवेश केला आहे. राष्ट्रवादी काँग्रेसचे जिल्हाध्यक्ष सुरेश बिराजदार यांनी त्यांना पक्षात प्रवेश देऊन स्वागत केले.
यावेळी राष्ट्रवादी युवती काँग्रेसच्या प्रदेशाध्यक्षा सक्षणा सलगर, महेंद्र धुरगुडे, जिल्हा सरचिटणीस नितीन बागल, विवेक घोगरे, महेश नलावडे आदींची प्रमुख उपस्थिती होती. एकीकडे राज्यामध्ये सत्तांतर झाले असताना दुसरीकडे मात्र राष्ट्रवादी काँग्रेस पार्टीमध्ये प्रवेश करण्यासाठी अनेकजण उत्सुक असल्याचे चित्र लोहारा तालुक्यात आहे. राष्ट्रवादी काँग्रेसचे अध्यक्ष खा. शरद पवार यांचे विचार सर्व जाती धर्मातील लोकांना पुढे घेऊन जाणारे आहेत. त्यामुळे जिल्हाध्यक्ष सुरेश बिराजदार, तालुकाध्यक्ष सुनील साळुंके यांच्या नेतृत्वावर विश्वास ठेवून आम्ही हा प्रवेश केला असल्याची भावना या तरुणांनी व्यक्त केली.
यावेळी संतोष राजपूत, लखन राजपूत, अमित राजपूत, धारासिंग राजपूत, रमण राजपूत, अभय राजपूत ,धीरज राजपूत, किशोर हुडेकर, देवेंद्र दंडगुले, काकासाहेब मनोहर, गोविंद मनोहर, व्यंकट दंडगुले, नामदेव दंडगुले, राजेंद्र दंडगुले, सतीश बिराजदार यांच्यासह शिवसेना व काँग्रेस पक्षातील कार्यकर्त्यांनी राष्ट्रवादी काँग्रेस पक्षामध्ये प्रवेश केला. यावेळी गोविंदराव साळुंके, तावशीगड येथील माजी पंचायत समिती सभापती दयानंद थोरात, राष्ट्रवादी दिव्यांग सेल तालुकाध्यक्ष लक्ष्मण बिराजदार, अमोल थोरात, मधुकर कोळी, उमरगा युवक काँग्रेसचे तालुकाध्यक्ष शमशुद्दीन जमादार, प्रकाश भगत, जयंत देशमुख आदीसह कार्यकर्ते उपस्थित होते. यावेळी तालुकाध्यक्ष सुनील साळुंके, युवती प्रदेशाध्यक्ष सक्षणा सलगर, महेंद्र धुरगुडे आदींनी उपस्थितांना मार्गदर्शन केले.
