लोहारा शहरातील खड्डे बुजविण्याची मागणी

वार्तादूत – डिजिटल न्युज नेटवर्क
लोहारा शहरातील महात्मा फुले चौक ते रजिस्ट्री ऑफिस हा रस्ता दुरुस्त करावा व रस्त्यावर पडलेले खड्डे बुजविण्याची मागणी चिंतामणी दगडी चाळ गणेश मंडळाच्या वतीने करण्यात आली आहे. यावेळी नगरपंचायत मुख्याधिकारी गजानन शिंदे यांना देण्यात आलेल्या निवेदनात ही मागणी करण्यात आली आहे. शहरातील चिंतामणी मित्र मंडळाची व अन्य गणेश मंडळाचा मिरवणूक मार्ग असून या रस्त्यावर पावसाचे पाणी थांबून मोठे खड्डे पडले आहेत. यामुळे हा रस्ता वाहतूक करण्यासाठी योग्य राहिला नसून गणपती बाप्पाच्या मिरवणूक काढण्यात त्रास होणार असून हा रस्ता लवकरात लवकर खड्डे बुजवून दुरुस्त करावा असे निवेदनात नमूद करण्यात आले आहे. यावेळी काँग्रेसचे माजी शहराध्यक्ष किशोर पाटील, प्रशांत थोरात, सुरज माळवदकर, ओंकार चौगुले, शंभू वाले, जयसिंग बंडगर आदी उपस्थित होते.