उस्मानाबाद जिल्ह्यातही लंपी स्किन आजाराची एन्ट्री – लोहारा, उमरगा तालुक्यातील सात अहवाल पॉझिटिव्ह

वार्तादूत – डिजिटल न्युज नेटवर्क
राज्यात लंपी स्किन आजाराचा प्रादुर्भाव दिवसेंदिवस वाढतच चालला आहे. उस्मानाबाद जिल्ह्यातही या आजाराने आता एन्ट्री केली आहे. त्यामुळे पशुपालकामध्ये चिंतेचे वातावरण निर्माण झाले आहे.
राज्यातील १७ जिल्ह्यात लंपी स्किन आजाराचा प्रादुर्भाव झाला आहे. हा प्रादुर्भाव वाढू नये यासाठी जनावरांचे लसीकरण करणे तसेच योग्य ती काळजी घेणे आवश्यक आहे. लंपी स्कीन डिसिज आजाराचा प्रादुर्भाव वाढू नये यासाठी खबरदारीचा उपाय म्हणून जनावरांच्या वाहतुकीवरही बंदी घालण्यात आली आहे. त्याचबरोबर प्रशासनाने प्रभावीपणे उपाययोजना करून जनावरांचा मृत्यूदर कमी करावा. लंपी स्किनचा प्रादुर्भाव आपल्या जनावरांना होऊ नये यासाठी पशुपालकांनी योग्य ती काळजी घेणे आवश्यक आहे. लंपी स्किन हा जनावरांना होणारा त्वचारोग आहे.
या आजाराने आता उस्मानाबाद जिल्ह्यातही एन्ट्री केली आहे. त्यामुळे पशुपालकांमध्ये चिंतेचे वातावरण निर्माण झाले आहे. जिल्हा परिषद पशुसंवर्धन विभागाच्या पथकाने लोहारा व उमरगा तालुक्यातील संशयित पशुधनाच्या रक्ताचे नमुने तपासणीसाठी पुणे येथील प्रयोगशाळेत पाठवले होते शुक्रवारी अहवाल मिळाला असून सात जनावरांचा अहवाल पॉझिटिव आला आहे त्यामुळे पशुपालक शेतकरी चिंतेत आहेत पॉझिटिव्ह आलेल्या सात अहवालापैकी उमरगा तालुक्यातील पाच तर लोहारा तालुक्यातील दोन अहवाल आहेत. लंपी स्किन हा विषाणूजन्य आजार असल्यामुळे एका जनावरांपासून दुसऱ्या जनावराला त्याची लागण होते. त्यामुळे खबरदारीचा उपाय म्हणून लसीकरण करून घेऊन जनावरांची आवश्यक ती काळजी घेणे गरजेचे आहे.