वार्तादूत – डिजिटल न्युज नेटवर्क
गणेशोत्सव मिरवणुकीवर होणारा अनावश्यक खर्च टाळून लोहारा तालुक्यातील कास्ती (बु) येथील कल्लेश्वर गणेश मंडळाने समाजप्रबोधनाच्या कार्यक्रमांचे आयोजन केले आहे. मंडळाच्या या निर्णयाबद्दल त्यांचे कौतुक होत आहे.
गणेशोत्सवादरम्यान मिरवणुकीवर मोठ्या प्रमाणात खर्च होतो. या मिरवणुकीवर होणारा अनावश्यक खर्च टाळून समाजप्रबोधनात्मक कार्यक्रमांचे आयोजन करण्याचा निर्णय तालुक्यातील कास्ती (बु) येथील कल्लेश्वर गणेश मंडळाने घेतला. त्यानुसार गुरुवारी (दि.१५) रात्री ७ वाजता बीड जिल्ह्यातील केज येथील हभप समाधान महाराज शर्मा यांच्या कीर्तनाच्या कार्यक्रमाचे आयोजन करण्यात आले आहे. तसेच शुक्रवारी (दि.१६) रात्री ७ वाजता शिवव्याख्याते, समाजप्रबोधनकार हभप निलेश महाराज कोरडे जुन्नरकर यांच्या कीर्तनाच्या कार्यक्रमाचे आयोजन करण्यात आले आहे. या कार्यक्रमाचा परिसरातील ग्रामस्थांनी लाभ घ्यावा असे आवाहन कल्लेश्वर गणेश मंडळाच्या वतीने करण्यात आले आहे.
