वार्तादूत – डिजिटल न्युज नेटवर्क
लोहारा शहरातील जय जगदंबा नवरात्र महोत्सवाच्या अध्यक्षपदी प्रशांत काळे व उपाध्यक्ष पदी दत्ता स्वामी यांची निवड करण्यात आली आहे.
लोहारा शहरातील जय जगदंबा नवरात्र महोत्सव मंडळाची बैठक रविवारी ( दि.१८) पार पडली. मंडळाचे माजी अध्यक्ष विजय महानुर यांच्या अध्यक्षतेखाली झालेल्या या बैठकीत अध्यक्षपदी प्रशांत काळे, उपाध्यक्षपदी दत्ता स्वामी, तर सचिवपदी शिवा कुंभार यांची सर्वानुमते निवड करण्यात आली. लोहारा शहरात गेल्या ४९ वर्षांपासून मंडळाच्या वतीने नवरात्र महोत्सव मोठ्या उत्साहात साजरा केला जातो. परंतु दोन वर्षांपुर्वी कोव्हिडच्या पार्श्वभूमीवर नवरात्र महोत्सव साधेपणाने साजरा केला गेला. या वर्षी उत्सवावरील निर्बंध शिथिल झाल्याने नवरात्र महोत्सव मोठ्या उत्साहात साजरा करण्यात येणार आहे. या नऊ दिवसात विविध धार्मिक, सांस्कृतिक, सामाजिक कार्यक्रम आयोजित करण्यात येणार असल्याचे मंडळाच्या पदाधिकाऱ्यांनी सांगितले.
या बैठकीसाठी तुकाराम विरुधे, प्रशांत लांडगे, हरी लोखंडे, सुनील देशमाने, बाळु माळी, प्रशांत जाधव, गणेश खबोले, श्रीशैल्य स्वामी, सिद्धेश्वर वैरागकर, सुनील ठेले, नागनाथ जाधव, बाळु माशाळकर, अनिल ठेले, नितीन पवार, बाळु पाटील, मंगेश बनशेट्टी, बाबा जाधव, चेतक पवार, सचिन जाधव, संजय लांडगे, नागनाथ लोहार, प्रेम लांडगे,मुकुंद पवार, सुरज लोहार, राहुल विरुधे, प्रशांत रेणके, राहुल रेणके, कृष्णा विरुधे, सागर रेणके, महेश कुंभार, राजेश भोरे आदी उपस्थित होते.
