वार्तादूत – डिजिटल न्युज नेटवर्क
लोहारा शहरातील तेरा विद्यार्थ्यानी आंतरराष्ट्रीय अबॅकस गणित विषयाच्या स्पर्धा परीक्षेत सुवर्णपदक प्राप्त करून घवघवीत यश संपादित केले आहे.
लोहारा शहरातील गुरु अबॅकस क्लासेस मधील जवळपास 25 विद्यार्थ्यांनी दि २५ ते २८ स्पटेंबर दरम्यान आंतरराष्ट्रीय स्तरावरील गणित विषयाच्या अबॅकस प्रथम, द्वितीय व तृतीय वयोगटातील स्पर्धेत सहभाग घेतला होता. या स्पर्धेचा निकाल नुकताच जाहीर झाला असून या स्पर्धेत लोहारा शहरातील विद्यार्थ्यांनी आंतरराष्ट्रीय स्तरावर यश संपादन केले आहे. यामध्ये यश तानाजी कोळी, यश प्रमोद जाधव, आयान बिलाल बागवान, समर्थ अनिल वाले, श्रद्धा सोमनाथ जट्टे, अमोल जालिंदर क्षीरसागर, वेदांत मनोज मल्लाडे, वैष्णवी जसवंतसिंह बायस, जिशान जिंदावली शेख, श्रावणी बाळासाहेब भुजबळ, शरयू विठ्ठल वचने, आराध्या शैलेश जट्टे, रेहान बिलाल बागवान या सर्वांनी सुवर्णपदक सन्मान चिन्ह व प्रमाणपत्र देऊन गौरविण्यात आले.
या सर्व विद्यार्थ्यांना लोहारा शहरातील प्राध्यापिका श्रीमती अमृता बायस ( दिक्षीत ) यांचे मार्गदर्शन लाभले असून यांना आदर्श शिक्षक पुरस्कार मिळाला आहे. या यशस्वी विद्यार्थ्यांचे लोहारा शहरातील सुज्ञ पालकाकडून अभिनंदन केले जात आहे.
