लोहारा तालुक्यात सकाळी ११ पर्यंत सरासरी २९.५० टक्के मतदान – सर्व मतदान केंद्रावर शांततेत मतदान सुरू

वार्तादूत – डिजिटल न्युज नेटवर्क
लोहारा तालुक्यातील १२ ग्रामपंचायत निवडणुकीसाठी मतदान होत आहे. यासाठी तालुक्यात एकूण ४७ मतदान केंद्र करण्यात आली आहेत. या सर्व मतदान केंद्रावर शांततेत मतदान सुरू आहे.
लोहारा तालुक्यातील सास्तुर, जेवळी (उ), माकणी, नागुर, विलासपुर पांढरी, माळेगाव, उंडरगाव, तोरंबा, सालेगाव, हिप्परगा रवा, वडगाववाडी, अचलेर या १२ ग्रामपंचायतीच्या निवडणुकीसाठी मतदान होत आहे. सकाळी ७.३० वाजता मतदान केंद्रावर मतदान सुरू झाले. सकाळच्या वेळेत मतदारांनी मतदानासाठी मोठी गर्दी केल्याचे दिसून आले. या सर्व मतदान केंद्रावर शांततेत मतदान सुरू आहे. सकाळी ११ वाजेपर्यंत तालुक्यातील १२ ग्रामपंचायत निवडणुकीसाठी सरासरी २९.५० टक्के मतदान झाले आहे. सायंकाळी ५.३० पर्यंत मतदान होणार आहे.