वार्तादूत – डिजिटल न्युज नेटवर्क
लोहारा तालुक्यातील भोसगा येथे राजमाता जिजाऊ बहुद्देशीय शिक्षण संस्था आष्टा (का) संचलित धर्मवीर संभाजी विद्यालय भोसगा येथे गुरुवारी (दि.१२) राष्ट्रमाता जिजाऊ आणि स्वामी विवेकानंद यांची जयंती साजरी करण्यात आली.
यावेळी संस्थेच्या अध्यक्षा पार्वतीबाई औरादे व सचिव महादेव औरादे यांच्या हस्ते प्रतिमा पूजन करण्यात आले. याप्रसंगी विद्यालयातील २५ विद्यार्थिनींनी राजमाता जिजाऊ यांची वेशभूषा केली होती. या कार्यक्रमाच्या अध्यक्षस्थानी पार्वतीबाई औरादे होत्या. संस्थेचे सचिव महादेव औरादे, विद्यालयाचे मुख्याध्यापक तानाजी साळुंके आदीची प्रमुख उपस्थिती होती. या कार्यक्रमाचे सूत्रसंचालन मोहन शिंदे यांनी केले. प्रास्ताविक विश्वनाथ गर्जे यांनी केले. याप्रसंगी विद्यालयातील अनेक विद्यार्थ्यांनी राजमाता जिजाऊ यांच्या जीवन चरित्रावर विचार व्यक्त केले. तसेच संस्थेचे सचिव महादेव औरादे यांनी राजमाता जिजाऊ यांच्या जीवनातील अनुभवाचा आपल्या जीवनामध्ये उपयोग करावा असे आवाहन करून विद्यार्थ्यांना मार्गदर्शन केले. लक्ष्मण औरादे यांनी आभार मानले.
