परांडा डेपोच्या बसला शनिवारी (दि.3) सकाळी अपघात झाला आहे. या अपघातात बसमधील 26 प्रवासी जखमी झाले आहेत. तर चालक गंभीर जखमी झाला असल्याचे सांगितले जात आहे.
याबाबत मिळालेली माहिती अशी की, परांडा डेपोची बस धाराशिव कडे जात होती. दरम्यान ही बस सोनगिरी जवळ आली असता चालकाचा बसवरील ताबा सुटल्याने बस पलटी झाली. या अपघातात बसमधील 26 प्रवासी जखमी झाले आहेत. तर चालक गंभीर जखमी झाला असल्याचे सांगितले जात आहे. त्यामुळे गंभीर जखमी चालकाला बार्शीला हलविण्यात आले आहे.तर इतर जखमींवर परांडा रुग्णालयात उपचार सुरू आहेत. अपघाताची माहिती परिसरात वाऱ्यासारखी पसरली. त्यामुळे परिसरातील नागरिकांनी तात्काळ घटनास्थळी धाव घेतली. व मदतीचा हात पुढे केला. त्यामुळे जखमींना मोठा दिलासा मिळाला.