जवाहर नवोदय विद्यालय प्रवेश प्रक्रिया सन २०२३-२४ साठी पात्र ठरलेल्या लोहारा तालुक्यातील लोहारा खुर्द येथील जिल्हा परिषद शाळेतील विद्यार्थी प्रणव दयानंद शेवाळे या विद्यार्थ्यांचा शनिवारी (दि.२४) शाळेत सत्कार करण्यात आला.
नवोदय विद्यालयाच्या प्रवेश प्रक्रियेसाठी लोहारा तालुक्यातील लोहारा खुर्द येथील जिल्हा परिषद शाळेचा विद्यार्थी प्रणव शेवाळे हा पात्र ठरला आहे. त्यामुळे शनिवारी (दि.२४) शाळेत त्याचा सत्कार करण्यात आला. यावेळी गटशिक्षणाधिकारी श्री. चव्हाण, विस्तार अधिकारी भास्कर बेशकराव, सेवानिवृत्त केंद्र प्रमुख मनोहर वाघमोडे, शाळेचे मुख्याध्यापक साबळे सर, शिक्षक बादुले सर, औटे मॅडम, पठाण मॅडम, उपसरपंच सचिन बाळु रसाळ, शालेय समिती अध्यक्ष हणमंत रसाळ, माजी अध्यक्ष संभाजी पाटील, माजी सरपंच सचिन रसाळ, पालक दयानंद शेवाळे, भिमा इंगळे यांची उपस्थिती होती.
