क्रीडा व युवक सेवा संचालनालय महाराष्ट्र राज्य पुणे तथा जिल्हा क्रीडा परिषद व जिल्हा क्रीडा अधिकारी कार्यालय सांगली द्वारा आयोजित राज्यस्तरीय शालेय ज्युदो क्रीडा स्पर्धा २०२३-२४ चे आयोजन वारणा सांस्कृतिक हॉल सांगली येथे दि. २२ ते २४ डिसेंबर रोजी करण्यात आले आहे. लातूर विभागाचे प्रतिनिधित्व करणाऱ्या अस्मिता अमोल पाटील हिने ७० किलो पुढील वजन गटात राज्यात दुसरा क्रमांक मिळवत रौप्य पदक प्राप्त केले.
सांगली येथे दिनांक २२ रोजी संपन्न झालेल्या १९ वर्ष वयोगटाखालील ७० किलो वजन गटासाठी झालेल्या राज्यस्तरीय स्पर्धेत श्री छत्रपती शिवाजी माध्यमिक व उच्च माध्यमिक विद्यालय बलसुर येथील १२ वी तील विद्यार्थीनीने नांदेड, उस्मानाबाद, लातुर जिल्हयाच्या वतीने लातुर विभागाचे प्रतीनीधीत्व करत द्वितीय क्रमांक मिळवत रौप्यपदक पटकाविले आहे. स्पर्धेचे उद्घाटन जिल्हा क्रीडा अधिकारी किरण बोरवडेकर यांच्या हस्ते संपन्न झाले. यावेळी तालुका क्रीडा अधिकारी बालाजी बरबडे यांची उपस्थिती होती. शासकीय कोच जमीर अत्तार, प्रशांत पवार यांनी काम पाहिले.
अस्मिता पाटीलच्या या यशाबद्दल बलसुर येथील शेतकरी शिक्षण प्रसारक मंडळाचे सचिव प्रा. सुरेश बिराजदार, संस्थेच्या अध्यक्षा सौ. शैलजाताई मगर, छत्रपती शिवाजी महाविद्यालयाचे मुख्याध्यापक श्रीपाद कुलकर्णी, उस्मानाबाद जिल्हा ज्युदो असोसिएशनचे अध्यक्ष नितीन काळे, सचिव प्रवीण गडदे, विभागप्रमुख प्रताप राठोड, कैलास लांडगे, चाँद शेख, क्रीडा शिक्षक राजेंद्र सोलंकर, मालाजी काळे, बी.टी. जाधव, सुभाष औरादे, ओम साई स्पोर्टस क्लब, क्रीडा क्रांती स्पोर्ट्स अकॅडमी कुन्हाळी, टायगर्स तायकाँदो कराटे असोसिएशन, परिवर्तन मंच, अंधश्रद्धा निर्मूलन समिती सह विविध संघटनांच्या वतीने अभिनंदन करण्यात आले आहे.
