लोहारा येथील न्यू व्हिजन इंग्लिश स्कूलमध्ये प्रजासत्ताक दिन साजरा

लोहारा येथील न्यू व्हिजन इंग्लिश स्कूलमध्ये शुक्रवारी (दि. २६ ) भारतीय प्रजासत्ताक दिन उत्साहात साजरा करण्यात आला.
याप्रसंगी आयोजित कार्यक्रमाचे अध्यक्ष म्हणून अँड. देविदास जाधव हे होते. यावेळी शिक्षण विस्तार अधिकारी सुभाष चव्हाण, केंद्रप्रमुख मोहन शेवाळे, पालक प्रतिनिधी श्रीकांत पवार, स्कुलचे प्राचार्य शहाजी जाधव आदी मान्यवर मंचावर उपस्थित होते. कार्यक्रमाच्या सुरुवातीस मान्यवरांच्या हस्ते संविधान समितीच्या आणि भारतमातेच्या प्रतिमेचे पूजन करण्यात आले. प्राचार्य शहाजी जाधव यांच्या हस्ते ध्वजारोहण संपन्न झाले. याप्रसंगी शाळेत वर्षभरात घेण्यात आलेल्या हस्ताक्षर, चित्रकला, भाषण, पाठांतर, गायन, मातीपासून गणपती, बैल, दिवे, विविध वस्तू बनविणे, आकाशकंदील, भेट – कार्ड बनविण्याची स्पर्धा तसेच क्रिडा दिनानिमित्त धावणे, बूक बॅलेन्स, लांब उडी, उंच उडी, चमचा लिंबू, सॅक रेस, खो खो, कबड्डी, या स्पर्धेतील विजेत्यांना मान्यवरांच्या हस्ते बक्षीस वितरण सोहळा संपन्न झाला.

यावेळी उपस्थित विद्यार्थी, शिक्षक, पालक यांना मार्गदर्शनपर बोलताना सुभाष चव्हाण म्हणाले की, यापुढे शिक्षकांनी राष्ट्रीय शैक्षणिक धोरणानुसार विद्यार्थ्यांना सुलभक म्हणून मार्गदर्शन करण्याचे काम प्रामाणिकपणे करावे. कारण विद्यार्थी हा स्वतः शिकत असताना त्यांना येणाऱ्या अडचणी व समस्या सोडविण्याचे काम सुलभकाच्या भूमिकेतून शिक्षकांनी पार पाडायची आहे. यावेळी स्कुलमधील विद्यार्थ्यानी प्रजासत्ताक दिनानिमित्त लेझिम नृत्य, भाषणे, कवायत प्रात्यक्षिक, गायन, यासह आपली विविध कला सादर केली. कार्यक्रमाचे सूत्रसंचालन सोनाली माळी व अनिता मनशेट्टी यांनी तर यशवंत चंदनशिवे यांनी

आभार मानले. कार्यक्रमाच्या यशस्वीतेसाठी शिक्षक, कर्मचारी व्यंकटेश पोतदार, प्रेमदास राठोड, सविता जाधव, पूजा चौरे, माधवी होगाडे, ईश्वरी जमादार, मीरा माने, अर्चना सोणके, सरिता पवार, चांदबी चाऊस, रेश्मा शेख, शीतल बिराजदार यांनी अथक परिश्रम घेतले. कार्यक्रमाप्रसंगी डॉ. सुनिल मंडले, नाना पाटील, अरुण बप्पा सारंग, डॉ. सचिन पाटील, माजी सैनिक प्रकाश मुळे, प्रशांत राजमाने, पांडुरंग कुंभार, वाजीद मणियार, अप्पाराव दरेकर, रणजित चव्हाण यांच्यासह महिला पालक मोठया संख्येने उपस्थित होते.