लोहारा तालुक्यातील बेलवाडी येथे राष्ट्रीय जंतनाशक दिन साजरा

लोहारा तालुक्यातील बेलवाडी येथील जिल्हा परिषद शाळेत मंगळवारी (दि.१३) राष्ट्रीय जंतनाशक दिन साजरा करण्यात आला.
याप्रसंगी अनिता रोडगे यांनी विद्यार्थ्यांना जंतनाशक दिनाचे महत्त्व सांगितले. जंत कशामुळे होतात व त्यासाठी काय उपाययोजना केली पाहिजे याची सर्व माहिती अनिता रोडगे यांनी सांगितले. संतोष कागे यांनी स्वच्छतेचे महत्व सांगितले. शाळेतील ८६ विद्यार्थ्यांना जंतनाशक गोळ्याचे वाटप करून सर्वांच्या समोर गोळ्या खाऊ घातल्या. याप्रसंगी शाळेचे मुख्याध्यापक परमेश्वर सूर्यवंशी शिक्षक आनंत कानेगावकर, मोरवे खिजर, मल्लिकार्जुन कलशेट्टी, सुनंदा निर्मळे उपस्थित होते.