लोहारा (Lohara) तालुक्यातील फणेपूर येथील गेली अनेक वर्षे प्रलंबित असलेली आणि शेतकऱ्यांच्या जिव्हाळ्याची मागणी असलेली जय भोलेनाथ विविध कार्यकारी सेवा सहकारी सोसायटी अखेर शासनाने मंजूर केली आहे.
या सोसायटीच्या मंजुरीसाठी शिवसेना उपनेते तथा माजी आमदार ज्ञानराज चौगुले यांनी गेल्या तीन वर्षांपासून अविरत पाठपुरावा केला होता. त्यांनी थेट राज्याचे सहकार मंत्री बाबासाहेब पाटील यांच्याकडे वेळोवेळी पत्रव्यवहार करून आणि सातत्याने पाठपुरावा करून ही सोसायटी मंजूर करून घेतली. त्याबद्दल फनेपुर ग्रामस्थांच्या वतीने माजी आ. ज्ञानराज चौगुले यांचा शाल, श्रीफळ आणि पुष्पहार घालून सत्कार करण्यात आला व त्यांचे आभार मानण्यात आले. या सत्कार सोहळ्याप्रसंगी शिवसेना उमरगा तालुकाप्रमुख बळीराम सूरवसे, सेवानिवृत्त शाखा अभियंता राजेंद्र माळी, उपसरपंच दत्तात्रय काळे, माजी सरपंच नारायण निंगशेट्टी, सचिन करे, नागेश पाटील, महेश मड्डे, व्यंकट माळी, राजकुमार सगर, शब्बीर मुल्ला, नरगिश मुल्ला, संजय निंगशेट्टी, शेषाबाई बंडगर, छायाबाई भिसे, शंकर स्वामी, यादव जाधव, यांच्यासह फणेपूर येथील ग्रामपंचायत सदस्य, चेअरमन, शेतकरी बांधव आणि ग्रामस्थ उपस्थित होते.
