धानुरी येथे श्री संत बाळु मामांच्या मंदीराचे आज भूमिपूजन

लोहारा तालुक्यातील धानुरी येथे श्री संत बाळु मामा यांचे भव्य मंदीर उभारण्यात येणार आहे. या मंदिराचा भूमिपूजन सोहळा आज शनिवारी (दि. २४) हभप महेश महाराज माकणीकर व हभप भालेराव महाराज कोकणकर यांच्या हस्ते संपन्न होणार आहे.
श्री संत बाळुमामाचे लोहारा तालुक्यात मोठ्या प्रमाणात भक्त आहेत. लोहारा तालुक्यातील धानुरी येथे श्री संत बाळु मामा यांचे भव्य मंदीर उभारण्यात येणार आहे. त्यानिमित्त आज शनिवार (दि. २४) सकाळी ८ वाजता गावातुन भव्य मिरवणुक काढण्यात येणार आहे. तर ११ वाजून ११ मिनिटाला ह.भ.प. महेश महाराज माकणीकर व ह.भ.प.भालेराव महाराज कोकणकर (बार्शी) यांच्या हस्ते भूमिपूजन होणार आहे. या कार्यक्रमासाठी खा. ओमप्रकाश राजेनिंबाळकर, आमदार ज्ञानराज चौगुले, राष्ट्रवादी काँग्रेसचे प्रदेश उपाध्यक्ष प्रा. सुरेश बिराजदार, युवक काँग्रेसचे प्रदेश उपाध्यक्ष शरण पाटील, जिपचे माजी सभापती ॲड. अभयराजे चालुक्य, राष्ट्रवादी काँग्रेसचे जिल्हाध्यक्ष महेंद्र धुरगुडे, युवा सेनेचे विभागीय निरीक्षक किरण गायकवाड, माजी जिप सदस्य ॲड. दिपक जवळगे, लोहाऱ्याच्या माजी नगराध्यक्षा पौर्णिमा लांडगे, मनसेचे उमगा तालुकाध्यक्ष हरिभाऊ जाधव, लोहारा तालुकाध्यक्ष अतुल जाधव, मराठी पत्रकार संघाचे उमरगा तालुकाध्यक्ष बालाजी वडजे, लोहारा तालुकाध्यक्ष इकबाल मुल्ला आदी मान्यवरांची उपस्थिती राहणार आहे. या कार्यक्रमासाठी पंचक्रोशीतील नागरिकांनी उपस्थित राहावे असे आवाहन धानुरी ग्रामस्थांच्या वतीने करण्यात आले आहे.