लोहारा तालुक्यातील सालेगाव येथे शनिवारी (दि.२४) संत शिरोमणी रोहिदास महाराज यांची जयंती साजरी करण्यात आली.
जयंतीनिमित्त रोहिदास महाराज यांच्या कार्याला व विचारांना उजाळा देण्यात आला. संत शिरोमणी रोहिदास महाराज यांच्या विचारांचा वारसा पुढे अविरत प्रवाहीत राहावा या उद्देशाने ग्रामपंचायत कार्यालय सालेगाव येथे सरपंच व सदस्य एकत्र येऊन संत शिरोमणी रोहिदास महाराज यांची जयंती साजरी करण्यात आली. यावेळी सरपंच भाग्यश्री मुरलीधर पाटील यांनी संत रोहिदास महाराज यांच्या प्रतिमेला पुष्पहार घालून अभिवादन केले. यावेळी उपसरपंच हुसेन शेख, ग्रा.प. सदस्य मनोज देशपांडे, ग्रा.पं.शिपाई बबन बाबर, कमलाकर देशपांडे, संगणक परिचालक अमोल कांबळे, अरुण बिराजदार, पवन पाटील आदींची उपस्थिती होती.
