लोहारा येथील डॉ. बाबासाहेब आंबेडकर (Dr. Babasaheb Ambedkar) मध्यवर्ती जयंती समितीच्या अध्यक्षपदी प्रितम शिंदे तर सचिवपदी तानाजी माटे यांची निवड करण्यात आली.
लोहारा (lohara) शहरात मंगळवारी (दि.१२) रात्री ज्येष्ठ कार्यकर्ते श्रीकांत कांबळे यांच्या अध्यक्षतेखाली बैठक आयोजित केली होती. यावेळी जयंती समिती गठीत करण्यात आली. यात डॉ. बाबासाहेब आंबेडकर मध्यवर्ती जयंती समितीच्या अध्यक्षपदी प्रितम शिंदे तर सचिवपदी तानाजी माटे यांची निवड करण्यात आली. तसेच उपाध्यक्षपदी अक्षय माटे, कोषाध्यक्षपदी शैलेश कांबळे, मिरवणूक प्रमुख पदी निवृत्ती थोरात तर सल्लागार पदी उत्तरेश्वर उपरे, श्रीकांत कांबळे यांची निवड करण्यात आली.
मागील वर्षी अतिशय शांततेत व योग्य नियोजन करून जयंती साजरी केल्याबद्दल सर्व कार्यकारिणीचे यावेळी आभार मानले. तर नुतन पदाधिकारी यांचे अभिनंदन केले. या बैठकीला नितीन वाघमारे, मोहन वाघमारे, स्वप्नील माटे, जिंदा वाघमारे, नीळकंठ कांबळे, अतुल कांबळे, राजपाल वाघमारे, सुमित कांबळे, कार्तिक कांबळे, विनोद थोरात, संदीप कांबळे, बालाजी कसबे, संतोष वाघमारे, तात्याराव कांबळे, बाळू शिंदे, रोहित शिंदे, ऋषिकेश कांबळे, सागर थोरात, अजय कसबे उपस्थित होते.
