कानेगाव येथील पुरुष बचत गटाकडून मारुती महाराज मंदिरास रथ अर्पण

लोहारा (lohara) तालुक्यातील कानेगाव (kanegav) येथे मंगळवारी (दि.९) श्री संत मारुती महाराज (sant maruti maharaj) यांच्या पालखी प्रदर्शन कार्यक्रमाचे आयोजन करण्यात आले. त्यानिमित्त कानेगाव येथील श्री संत तुकाराम महाराज पुरुष बचत गटा तर्फे देण्यात आलेल्या रथाचे महाराज यांना अर्पण करण्यात आला. या निमित्ताने सर्व ग्रामस्थांच्या वतीने गटातील सर्व सभासदांचा सत्कार करण्यात आला.
तालुक्यातील कानेगाव येथे श्री संत तुकाराम महाराज पुरुष बचत गट असून या गटात एकूण २९ सदस्य आहेत. या सर्वांनी मिळून मिळून पाच लाख पन्नास हजार रुपये किमतीचा रथ मंगळवारी (दि.९) मारुती महाराज यांना अर्पण केला. या गटाचे अध्यक्ष एकनाथ कदम, सचिव संजय चौगुले, सदस्य महादेव कुंभार, मनोज कुंभार, मनोज कदम, कालिदास गोरे, चंद्रकांत कदम, बालाजी लोभे, गोरख बोकडे, मच्छिंद्र बोकडे, महादेव कदम, विवेकानंद कदम, बाबा कदम, भरत कदम, नवनाथ भारती, मधुकर चंदनशिवे, महेश कदम, सत्यवान कदम, सुभाष कदम, धनराज कदम, विशाल जावळे, महेश चंदनशिवे, संदीप कदम, धीरज कदम, बाळासाहेब कदम, नारायण जावळे, बबलू कदम भैरवनाथ चौगुले, दत्तात्रय पांचाळ आदींनी मिळून हे कार्य केले आहे. या रथाचा वापर श्री संत मारुती महाराज यांच्या पुण्यतिथीनिमित्त पालखी प्रदक्षिणा तसेच वर्षातील चार मोठ्या एकादशी निमित्त श्री संत मारुती महाराज यांची पालखी आणि पायी दिंडी या रथाच्या माध्यमातून घेऊन जाणार असा संकल्प सर्व कानेगाव ग्रामस्थांनी केला आहे.