महाविकास आघाडीचे उमेदवार ओमप्रकाश राजेनिंबाळकर यांना दीड लाख मतांची आघाडी मिळताच महाविकास आघाडीच्या कार्यकर्त्यांनी लोहारा शहरातील छत्रपती शिवाजी महाराज चौकात जल्लोष केला.
लोकसभा निवडणुकीची मतमोजणी कधी होईल आणि विजय कोणाचा होईल ही उत्सुकता लागून राहिली होती. अखेर मंगळवारी (दि. ४) मतमोजणी होत आहे. यात महाविकास आघाडीचे उमेदवार ओमप्रकाश राजेनिंबाळकर यांना जवळपास दीड लाख मतांची आघाडी मिळाली आहे. त्यामुळे लोहारा शहरातील छत्रपती शिवाजी महाराज चौकात महाविकास आघाडीच्या कार्यकर्त्यांनी जल्लोष केला आहे. यावेळी शिवसेना (उद्धव बाळासाहेब ठाकरे) तालुकाप्रमुख अमोल बिराजदार, राष्ट्रवादी काँग्रेसचे (शरदचंद्र पवार) नाना पाटील, बालाजी जाधव, रघुवीर घोडके, रौफ बागवान, नितीन जाधव, प्रेम लांडगे, राहुल विरोधे आदींसह कार्यकर्ते उपस्थित होते.
