नुकताच जाहीर झालेल्या बारावी परीक्षेच्या निकालात (hsc result) लोहारा (lohara) शहरातील भानुदासराव चव्हाण महाविद्यालयातील वाणिज्य शाखेची विद्यार्थिनी कु. अर्पिता दादासाहेब यादव (भातगळी) हिने ९१.३३ टक्के गुण मिळवत तालुक्यातून प्रथम क्रमांक मिळवला आहे. अर्पिताचे हे यश निश्चितच उल्लेखनीय व कौतुकास्पद असून महाविद्यालयाचे नावलौकिक वाढवणारे आहे. तिच्या या यशाबद्दल मराठवाडा शिक्षण प्रसारक मंडळाचे अध्यक्ष आ. प्रकाश (दादा) सोळंके, सरचिटणीस आ. सतीश (भाऊ) चव्हाण, सदस्य प्रदीप (भाऊ) चव्हाण, महाविद्यालय विकास समितीचे प्रमुख सदस्य प्रा. सतीश इंगळे यांनी तिचे अभिनंदन केले.
अर्पिताच्या या उल्लेखनीय यशाबद्दल बुधवारी (दि.२२) तिचा महाविद्यालयात सत्कार करून पुढील शैक्षणिक वाटचालीस शुभेच्छा दिल्या. यावेळी राष्ट्रवादी काँग्रेसचे तालुकाध्यक्ष सुनील साळुंके, अर्पिताची आई सौ. जनाबाई यादव यांची उपस्थिती होती.
