कानेगाव येथे बाल आनंद मेळावा; चिमुकल्या व्यापाऱ्यांनी जिंकली सर्वांची मने

लोहारा (Lohara) तालुक्यातील कानेगाव (kanegaon) येथे शनिवारी (दि.१४) \’बाल आनंद मेळाव्याचे\’ आयोजन करण्यात आले होते. विद्यार्थ्यांमध्ये व्यावसायिक कौशल्ये, गणिती हिशोब आणि संघभावना विकसित व्हावी, या उद्देशाने आयोजित करण्यात आलेल्या या मेळाव्याला ग्रामस्थ आणि पालकांचा उत्स्फूर्त प्रतिसाद लाभला.

या बाल आनंद मेळाव्याचे उद्घाटन पंचायत समिती सदस्य अमोल पाटील यांच्या हस्ते करण्यात आले. विद्यार्थ्यांनी स्वतः तयार केलेले खाद्यपदार्थ, खेळणी आणि हस्तकलेच्या वस्तूंचे प्रदर्शन व विक्री यावेळी करण्यात आली. ​भेळ, चटपटीत बटाटा वडा, लिंबू सरबत आणि घरगुती पौष्टिक फराळाच्या स्टॉल्सवर खवय्यांची मोठी गर्दी झाली होती. या

मेळाव्याचे वैशिष्ट्य म्हणजे, वस्तूंची किंमत ठरवण्यापासून ते ग्राहकांना हिशोब देण्यापर्यंतची सर्व जबाबदारी विद्यार्थ्यांनी अत्यंत चोखपणे पार पाडली. या मेळाव्यात जवळपास साठ हजार रुपयांची उलाढाल झाली. यावेळी कानेगावचे सरपंच नामदेव लोभे, शालेय व्यवस्थापन समिती अध्यक्ष, उपाध्यक्ष व सदस्य, गावातील नागरीक, शाळेचे मुख्याध्यापक बालाजी साळूंके, शाळेतील शिक्षक नानासाहेब कोळी, मच्छिंद्र बोकडे, श्रीशैल जट्टे, गजानन सुतार, बालाजी सोमवंशी, प्रवीण अगंबरे, जयशंकर जवादे, अजित बोकडे, श्रीमती वंदना अकोस्कर, संगीता सूर्यवंशी, मेघाराणी जवादे, अर्चना सगर उपस्थित होते.